Ofanleiti
Húsið Ofanleiti stóð utan byggðar. Það var fyrrum prestsbústaður Ofanleitissóknar. Hét það áður Kirkjubær fyrir ofan leiti og stundum kallað á Bæ. Talsverður búskapur var stundaður að Ofanleiti enda jörðin ein hin stærsta í Eyjum, með mikil hlunnindi í fugli, eggjum og reka; og áður fyrr nokkrar hjáleigur er tilheyrðu henni: Gvendarhús, Brekkuhús, Svaðkot, Steinsstaðir og Draumbær.
Prestar Ofanleitissóknar sátu að Ofanleiti, allt fram til ársins 1961. Séra Halldór Kolbeins var síðasti presturinn sem þar sat. Húsið var rifið árið 1977 þar sem þótti standa of nærri flugbrautinni og var þar að auki illa farið.
Valgeir Jónasson smiður byggði nýtt hús í landi Ofanleitis, nokkru norðan og vestan við gamla bæjarstæðið og nefndi það Ofanleiti. Þar er stunduð nokkur alifuglarækt.
