Sólbrúnir vangar

Sólbrúnir vangar siglandi ský

og sumar í augum þér,

angandi gróður, golan hlý

og sumar í augum mér.

Söngur í lofti, sólin hlær,

og svo eru brosin þín

yndislegri en allt sem grær

og angar og hjalar og skín.

Ástin og undrið,

æskunnar förunautar,

nemum og njótum

næði meðan gefst.

Látum svo daga líða á ný

með ljóð frá vörum mér,

sólbruna vanga, siglandi ský

og sumar í augum þér.

Lag: Oddgeir Kristjánsson

Texti: Ási í Bæ