Skátafélagið Faxi

Skátafélagið Faxi var stofnað árið 1938. Félagsforingi þess er Páll Zóphóníasson

Starfsemi

Skátafélagið hefur hin síðari ár haldið úti þremur sveitum, Bakkabræður, Fífill og Dögun. Ennfremur er ein dróttskátasveit sem ber nafnið Ds. Westmenn.

Margir fastir liðir eru í skátastarfinu, til dæmis er skátadagurinn haldinn hátíðlegur 22. febrúar. Skátar eru í forgöngu skrúðgangna á sumardeginum fyrsta, 17. júní og öðrum hátíðardögum, og gegna þeir þar hlutverki sínu sem verndarar íslenska fánans. Á þriggja ára fresti er haldið landsmót skáta, og er skátafélagið þar oft verðlaunað.

Dögun

Dögun er sveit fyrir Ylfinga en það eru krakkar á aldrinum 8 til 10 ára.

Bakkabræður

Bakkabræður eru fyrir yngri skáta en það eru krakkar á aldrinum 11-12 ára. Á þessum aldri er byrjað að kenna skátum útivist og ýmislegt sem gæti nýst þeim í framtíðinni.

Fífill

Fífill er fyrir hálfdrættinga en það eru krakkar á aldrinum 13 til 14 ára. Þegar þarna er komið er reynt að kenna flokkunum að vera sjálfstæðari og kennd skyndihjálp, notkun áttavita og margt annað sem gæti bjargað þeim ef skátinn týndist í óbyggðum.

Ds. Westmenn

Ds. Westmenn er fyrir dróttskáta en það eru krakkar á aldrinum 15 til 18 ára. Því miður liggur þessi sveit í Vestmannaeyjum niðri vegna þess að erfitt er að fá krakka á þessum aldri til að koma í skátastarfið. Einnig er mikið um að krakkar á þessum aldri séu of uppteknir við að sjá um krakka í hinum sveitunum en þetta á allt eftir að breytast vonandi. Þarna er mikið kennt sem gæti nýst ef dróttskátinn gengur til lið við björgunarsveitina.

Húsnæðismál

Skátafélagið er í húsnæði við Faxastíg ásamt Björgunarfélagi Vestmannaeyja.

Gufuskálar

Skátafélagið á einnig skála upp á landi sem kallast Gufuskálar og er mikið notaður fyrir skáta í Eyjum og er einnig leigður öðrum skátafélugum.

Skátastykkið

Skátastykkið var byggt í krikanum í suðvesturhorni flugvallarins árið 1998. Húsið er byggt í stíl við gamla íslenska burstabæi, með þremur burstum og torfþaki.