Presthús
Húsið Presthús stendur við Kirkjubæjarbraut 12. Presthús voru áður fyrr tvær jarðir og taldar einn völlur en talin heldur kostarýr jörð. Túnin voru skammt frá Vesturhúsatúnum en bærinn sjálfur stóð vestast í Kirkjubæjarþorpinu fram undir aldamótin 1900. Eftir 1940 var ekki skepnuhald að Presthúsum og 1950 keypti Guðmundur Guðjónsson frá Oddsstöðum húsið, endurbyggði það og bjó þar til dauðadags, 1969, ásamt konu sinni, Jórunni Guðjónsdóttur.
Heimildir
- Guðjón Ármann Eyjólfsson: Vestmannaeyjar - byggð og eldgos, Reykjavík 1973.