Sjómannadagsblað Vestmannaeyja 1968/Sjómannavals
Við brimsorfna kletta
bárurnar skvetta
hvítfextum öldum
á húmdökkum kvöldum,
sjómanninn laða og seiða.
Skipanir gjalla,
skipstjórar kalla,
vélarnar emja,
æpa og lemja,
á haf skal nú haldið til veiða.
Vertu sæl mey, ég kem aftur er kvöldar á ný,
gleymdu mér ei, þó að brimið sér bylti með gný.
Eigir þú yl, handa sjómanni er sjöstjarnan skín
þá stendur hann brosandi í stórsjó og byl
við sinn stjórnvöl og hugsar til þín.