Vinir Ketils bónda
Vinir Ketils Bónda er félagsskapur ungra manna í Vestmannaeyjum sem settur var á laggirnar árið 1998. Upphaflega var félagið stofnað í kringum búningakeppni á Þjóðhátíð í Herjólfsdal en félagsmenn hafa löngum lagt mikinn metnað í glæsilega búninga á hátíðinni. Þá hefur skapast sú hefð hjá félagsmönnum á gamlársdag að búa til merki félagsins með kertum í hlíðum Helgafells og tendra þau. Segja má að félagið sé léttur og leikandi karlaklúbbur af bestu gerð. Forseti félagsins árið 2005 er Helgi Ólafsson.
Heimildir
- Heimasíða VKB - http://www.vinirketils.com/