Þorsteinn Gíslason (Görðum)

Þorsteinn

Þorsteinn Gíslason, Görðum, fæddist á Eskifirði 5. maí 1902 og lést 25. maí 1971. Þorsteinn fluttist alfarið til Vestmannaeyja 1919 og það sama ár hóf hann sjómennsku hjá Eyjólfi Gíslasyni bróður sínum á Garðari I. Formennsku hóf Þorsteinn árið 1928 á Garðari II. Eftir það var Þorsteinn með Sjöfn I og Sjöfn II sem voru hans eigin bátar.

Loftur Guðmundsson samdi eitt sinn formannsvísu um Þorstein:

Harðskiptinn við dimma dröfn

djarfur á þorskaleiðum,

Þorsteinn Gíslason á Sjöfn

sækir fast að veiðum.

Óskar Kárason samdi einnig formannavísu um Þorstein:

Garpur afla Görðum frá

geymir Steina heiti,

telja má í svæsnum sjá

Sjafnar kinnar bleyti.

Óskar samdi seinna aðra vísu um hann:

Steina Gísla ég greini

gætinn í formanns sæti,

svikalaust sjós í kviku,

Sjöfn stýrir þétt úr höfnu.

Friðar lítt meiri miðin,

marinn þó velti fari,

dýrugga dyns úr mýri

dregur úr sjó ótregur.

Myndir

• 
• 
• 
• 
• 
• 
• 
• 
• 

---

Heimildir

• Óskar Kárason. Formannavísur. Vestmannaeyjum, 1950.
• Óskar Kárason. Formannavísur II. Vestmannaeyjum, 1956.
• Sjómannablaðið Víkingur. Farmanna- og Fiskimannasamband Íslands.
• Sjómannadagsblað Vestmannaeyja. 1995.