Hólmgarður
Húsið Hólmgarður stóð við Vestmannabraut 12. Húsið var íbúðarhús með 5 íbúðum. Á efri hæð voru 3 íbúðir. Austast bjó Margrét Bjarnadóttir. Karl G. Marteinsson bjó þar um tíma hjá ömmu sinni. Í miðíbúðinni bjuggu eldri systur sem hétu Jónína og Margrét. Vestast bjó Þórarinn Gunnlaugsson með sína fjölskyldu. Austast á neðri hæð bjó Óli Jónsson með sína fjölskyldu. Í miðíbúðinni bjó kona sem hét Sóla með tveimur sonum sínum Herði og Guðjóni (kenndir við móður sína). Vestast voru 2 herbergi sem notaðar voru sem geymslur. Útigeymslur og kamrar voru norðan við húsið. Bæjarsjóður átti húsið.
Það var rifið niður og sett upp bílastæði á lóðinni.
Helstu atriði í eigenda- og íbúasögu
Heimildir
- Karl G. Marteinsson. Munnleg heimild.
- Vestmannabraut. Verkefni unnið af þátttakendum á námskeiðinu Húsin í götunni. Vestmannaeyjar, 2004.