Karl Ólafsson (Heiðarbæ)
Karl Ólafsson fæddist 30. janúar 1915 og lést 13. júlí 1990. Foreldrar hans voru Ólafur Ingibergsson og Guðfinna Jónsdóttir. Bróðir Karls var Sigurgeir. Karl bjó á Hásteinsvegi 7 en í Reykjavík seinni árin.
Karl var formaður með mótorbátinn Mýrdæling.
Óskar Kárason samdi formannavísu um Karl:
- Kannar gniðar kaldan völl
- Kalli borinn Óla,
- þó að svæsin sævar föll
- siglum vilji róla.
Óskar samdi seinna aðra vísu um hann:
- Karl hræðist víði varla,
- ver Ólafs þann ég geri.
- Gísla Johnsen á sýslar,
- særinn, þó slíti færi.
- Happsamur knarrar kappi
- kann sig á leiðum hranna.
- Tafl kann sá Týrinn afla,
- talfár er greindur halur.
Heimildir
- Óskar Kárason. Formannavísur. Vestmannaeyjum, 1950.
- Óskar Kárason. Formannavísur II. Vestmannaeyjum, 1956.