Helgafell við Helgafellsöxl
Sjá aðgreiningarsíðuna fyrir önnur hús sem hafa borið nafnið „Helgafell“
Húsið Helgafell stendur utan byggðar. Það var reist árið 1936 og stendur við jaðar Helgafells.. Verkalýðsfélögin í Eyjum byggðu húsið og var þar um nokkurra ára skeið starfrækt barnaheimili á vegum þeirra. Barnaheimilið var starfrækt frá 12. júní 1946 til 1949 en þá var reksturinn færður niður á Ásaveg, í húsið Sóla.
Upp úr 1960 keyptu ungir sjálfstæðismenn í Eyjum húsið og gerðu það upp sem félagsheimili. Húsið var í daglegu tali kallað „Betlehem”, að sögn vegna þess að félagsmenn voru síbetlandi hjá fyrirtækjum í bænum þegar lagfæringar á húsinu áttu sér stað. Önnur skýring á nafninu er mjög vegleg og áberandi ljósaskreyting sem komið var upp á húsinu um jól.
Helgafell hefur verið íbúðarhús Högna Sigurðssonar, fyrrverandi verkstjóra hjá bæjarveitunni, frá Vatnsdal hin síðari ár.