Sjómannadagsblað Vestmannaeyja 1972/ Svalt er enn á seltu

Svalt er enn á seltu

Svalt er enn á seltu,
sjómenn vanir róa,
köld er undiralda,
árum skellur bára;
dylur dimmu éli
dagsbrún jökulkrúna;
svæfill sinnir ljúfum
svanna heima í ranni.

Föður minn á miði
móðir syrgði góðan —
köld er undiralda,
árum skellur bára;
bræður mína báða
bæjum sneyddi ægir —
svalt er enn á seltu,
sjómenn vanir róa.