Guðjón Tómasson (Gerði)
Guðjón Tómasson, Gerði, var fæddur að Saurum í Staðarsveit þann 30. júlí 1897 og lést 10. desember 1979. Þegar Guðjón var 6 ára gamall fór hann til Guðlaugs Jónssonar í Gerði og ólst þar upp. Guðjón hóf sjómennsku ungur á Halkion I en árið 1923 hóf hann formennsku á Ingólfi Arnarsyni og var hann með þann bát til ársins 1930. Eftir það var hann með ýmsa báta, meðal þeirra eru Víkingur, Hilmir, Birgir, Bjarni og Ingólfur II.
Óskar Kárason samdi formannavísu um Guðjón:
- Guðjón afla gerir ná
- góðum stundu hverja.
- Burinn Tomma Birgir má
- bylgjum tíðum verja.
Heimildir
- Óskar Kárason. Formannavísur. Vestmannaeyjum, 1950.
- Sjómannablaðið Víkingur. Farmanna- og Fiskimannasamband Íslands.