Sjómannadagsblað Vestmannaeyja 1960/ Fáninn okkar
Fáninn blaktir hátt við hún.
Á helga krossins sigurrún
merki þetta minnir á
mann hvern er það kann að sjá
Þrílitt merkið minnir á
og mestan leyndardóm vill tjá
um þrenning helga í himindýrð
er hvorki verður séð né skýrð
Hvert sem landann báran ber
blæjan hreina minn fer
á blámann heiða, bjarta mjöll
og bjarmann elds er loga fjöll
Tvílitur mun tákna kross
trúarinnar dýrsta hnoss
blóðgan sveita, benja tár
brotin læknuð hvít sem snjár
Hvar sem blæjan blaktir hrein
bæn til himins stígur ein:
Helguð krossins hreinni glóð
hátt stefni Íslands þjóð.
- Fyrsta sumardag 1960.