Samkomuhúsið

Samkomuhúsið stendur á gatnamótum Kirkjuvegs og Vestmannabrautar, og heitir lóðin Mylluhóll. Húsið var vígt í janúar árið 1938 og var það Sjálfstæðisfélagið sem byggði húsið. Þá var húsið næststærsti samkomusalur landsins, aðeins Gamla Bíó í Reykjavík var stærra. Húsið var notað til skemmtanahalds í áratugaraðir. Seinna var byggt við húsið. Hvítasunnukirkjan keypti húsið á tíunda áratugnum og hefur gert húsið að miklu leyti upp. Nú er Samkomuhúsið það húsnæði í Eyjum sem hentar einna best til háklassa tónleikahalds og uppákomna.