Sigurður Ólafsson í Vegg

Sigurður Ólafsson, í Vegg, f. í Vestmannaeyjasókn 10. október 1860 d. 10. mars 1931.

Kona Sigurðar var Guðrún Þórðardóttir, f. í Vestmannaeyjasókn 19. ágúst 1849 d. 12. júní 1921.

Þau áttu eitt barn, Ólaf Diðrik Sigurðsson, frá Strönd.

Foreldrar Sigga í Vegg voru Ólafur Diðrik Benediktsson, f. í Mosfellssókn í Grímsnesi 6. ágúst 1837 d. í Vestmannaeyjum. 11. nóvember 1860 og Guðríður Sigurðardóttir, f. í Vestmannaeyjasókn 1834.

---

Ólafur Diðrik Benediktsson og Anna Valgerður Benediktsdóttir voru systkini. Hann hafði komið til vistar hjá sr. Jóni Austmann og konu hans Þórdísi Magnúsdóttur, föðursystur Önnu og Ólafs. Presthjónin komu Ólafi til Danmerkur þaðan sem hann kom aftur með iðnmenntun, hann var snikkari eða húsgagnasmiður eins og það heitir nú. Ólafur Diðrik Benediktsson kvæntist Guðríði þ. 30. ágúst 1860 en hann drukknaði 11.nóvember sama ár, mánuði eftir að Guðríður ól þeirra eina barn, Sigga í Vegg.

Guðríður giftist aftur þremur árum síðar þ. 16.10.1863, Ólafi Einarssyni 1836 - 1916. Ólafur Einarsson og Ólafur Diðrik voru vinir og mætti segja að sá fyrrnefndi hafi reynst ekkju þess síðarnefnda vel í hennar raunum. Þau áttu síðan fimm börn og komust fjögur þeirra á legg. Eitt þeirra var Ólafur Diðrik Ólafsson frá Bjargi 1865 - 1913. Hann drukknaði í sjóróðri þ. 9. apríl 1913 ásamt þremur öðrum. Eyjar í gegnum aldirnar bls. 94