Hvoll (við Heimagötu)

Húsið Hvoll var byggt árið 1908 af Magnúsi Ingimundarsyni, sjómanni, og stóð við Heimagötu 12a. Þegar gaus árið 1973 bjuggu þar Björgvin Pálsson verkstjóri og kona hans, Gunnhildur Guðmundsdóttir, foreldrar Óskars ljósmyndara. Í kjallara bjuggu Magnús Gísli Magnússon og kona hans Lilja Albertsdóttir.

Hvoll að Urðarvegi 17

Þá var hús að Urðavegi 17a, sem hét Hvoll, einnig nefnt Nýi-Hvoll. Þegar gaus bjuggu á efri hæðinni á Hvoli Guðjón Kristinsson skipstjóri, frá Miðhúsum en oftast kenndur við Hvol, og kona hans Kristín Ólafsdóttir, ásamt fjórum börnum sínum, sem öll eru kennd við æskuheimili sitt. Á neðri hæðinni bjuggu Kolbeinn O. Sigurjónsson, einnig oft kenndur við Hvol, og kona hans Sigríður Sigurðardóttir frá Vatnsdal, ásamt fimm börnum þeirra.

Húsið nr. 17b við Urðaveg, sem var bakhús, var nefnt Litli-Hvoll, og gekk einnig undir nafninu Hvoll. Þegar gaus bjuggu þar Sigurður N Jóhansen og kona hans Bryndís Garðarsdóttir ásamt þremur börnum þeirra.

Öll þessi hús fóru undir hraun í gosinu 1973.

Forsíða byggðarinnar undir hrauninu