Helgi Bergvinsson

Helgi Bergvinsson fæddist 26. ágúst 1918 á Svalbarðsströnd við Eyjafjörð og lést 16. maí 1989. Helgi kom fyrst til Eyja árið 1938. Helgi bjó á Miðstræti 25. Helgi var kvæntur Leu Sigurðardóttur og áttu þau 5 börn.

Hann hóf sjómennsku árið 1934 á síldveiðibát frá Hrísey en árið 1938 þegar hann kemur til Eyja var hann háseti hjá Páli í Þingholti. Skipstjórn hóf hann með Mugg. Hann var formaður á Skaftfellingi árin 1948-1951. Árið 1956 lét hann ásamt Ágústi Matthíassyni og Gísla Þorsteinssyni byggja bát í V-Þýskalandi sem hlaut nafnið Stígandi, og þar með hófst útgerðarsaga Helga. Þeir félagar keyptu annan bát sem hét Gulltoppur, en hættu fljótlega saman í útgerð og varð Helgi einkaeigandi að Stíganda. Þann bát var hann með í 10 ár.

Árin 1960 og 1963 var Helgi aflakóngur Vestmannaeyja.

Óskar Kárason samdi formannavísu um Helga:

Traustur Helgi brims á bring

brýtur hranna skafla.

Skipið færir Skaftfelling,

skilar tíðum afla.

---

Heimildir

• Óskar Kárason. Formannavísur. Vestmannaeyjum, 1950.
• Sjómannadagsblað Vestmannaeyja. 1963.
• Þórarinn Ingi Ólafsson. http://www.eyjar.is/ingiol/