„Binni í Gröf“: Munur á milli breytinga
Ekkert breytingarágrip |
mEkkert breytingarágrip |
||
Lína 14: | Lína 14: | ||
Benóný var ávallt með úrvals mannskap enda samrýmdist hvers konar seinagangur og stirðleiki ekki skapi skipstjórans. | Benóný var ávallt með úrvals mannskap enda samrýmdist hvers konar seinagangur og stirðleiki ekki skapi skipstjórans. | ||
[[Óskar Kárason]] samdi formannavísu um | [[Óskar Kárason]] samdi formannavísu um Binna: | ||
:''Hræðist aldrei hroða sjá | :''Hræðist aldrei hroða sjá | ||
:''hraustur Grafa Binni. | :''hraustur Grafa Binni. |
Útgáfa síðunnar 13. október 2006 kl. 10:51
![](/images/thumb/a/af/Binni2.jpg/300px-Binni2.jpg)
Benóný Friðriksson var fæddur 7. janúar 1904 og hann lést 12. maí 1972. Benóný var betur þekktur sem Binni í Gröf og var hann landsfrægur aflamaður. Hann fæddist í Vestmannaeyjum og var sonur formannsins Friðriks Benónýssonar og Oddnýjar Benediktsdóttur. Kona Binna var Katrín Sigurðardóttir frá Þinghól í Hvolhreppi og áttu þau saman 7 börn.
Sjómennska
Alveg frá upphafi beindist hugur Binna að sjónum. Ekki var hann gamall þegar hann hóf að dorga í höfninni og eyddi hann góðum tíma af æsku sinni niðri á höfn. Ekki var hann fermdur þegar hann hóf að róa. Það var á smáferju hjá Jakobi Tranberg og kom strax í ljós mikill áhugi og fiskisæld. Ásamt þremur vinum sínum hóf Binni formennsku á sexæring 15 ára gamall. Fiskuðu félagarnir mikið undir styrkri stjórn Binna.
Binni gerðist með afbrigðum góður sjó- og aflamaður, einhver mesti sem við Vestmannaeyjar hefur fiskað. Binni reri fyrstu vertíðir sínar á vélbát á m/b Nansen og var hann formaður á bátnum í forföllum Jóhanns á Brekku. Árið 1926 var honum boðið að taka formennsku á vélbátnum m/b Gúllu. Þar var hann starfandi þrjár vertíðir, síðan tók hann við bátnum Newcastle, og var svo með vélbátana m/b Gottu, m/b Heklu, m/b Gulltopp, e/s Sævar, m/b Þór og m/b Andvara. Eftir það keypti hann skipið m/b Gullborg og varð landsþekktur fyrir formennsku sína á þeim bát. Það var hans happaskip.
Binni varð aflakóngur í Vestmannaeyjum árið 1954 og hélt þeim titli samfellt í 6 vertíðir og fékk titilinn samtals sjö sinnum. Nokkrum sinnum varð hann hæstur yfir landið.
![](/images/thumb/f/ff/AHOFNGU4.jpg/300px-AHOFNGU4.jpg)
Benóný var ávallt með úrvals mannskap enda samrýmdist hvers konar seinagangur og stirðleiki ekki skapi skipstjórans.
Óskar Kárason samdi formannavísu um Binna:
- Hræðist aldrei hroða sjá
- hraustur Grafa Binni.
- Þundur fiskinn þykir sá,
- það skal haft í minni.
Óskar samdi seinna aðra vísu um hann:
- Binni með sjómanns sinni,
- svalur frá Gröf er talinn,
- Friðriks arfi, þó iðan
- ill vilji þiljur fylla,
- Gullborgu létt á lullar
- leiður ei þétt til veiða.
- Æðstan kóng afla hæstan
- Ísalands hann ég lýsi.
Áhugamál og önnur afrek
Á yngri árum var Binni fimur með boltann, hann var einn af stofnendum Knattspyrnufélagsins Týs og keppti með þeim en hann var einnig í fremstu röð í fimleikum. Önnur hreyfing var Binna hugleikin og eyddi hann góðum tíma í lundaveiði þó að tækifærin kæmu sjaldan. Hann hafði dálæti af vísum og kunni ógrynni af þeim ásamt því að kveðast á við félaga.
Binni var sæmdur fálkaorðunni árið 1971 fyrir störf sín.
Heimildir
- Benóný Friðriksson. Sjómannadagsblað Vestmannaeyja. 1972, bls. 46.
- Óskar Kárason. Formannavísur. Vestmannaeyjum, 1950.
- Óskar Kárason. Formannavísur II. Vestmannaeyjum, 1956.