„Oddgeir Kristjánsson“: Munur á milli breytinga

Oddgeir Kristjánsson er fæddur í Vestmannaeyjum 16. nóvember árið 1911, dáinn 18. febrúar 1966, aðeins 54 ára að aldri. Oddgeir vann við verslunarstörf í Vestmannaeyjum ásamt því að vera forstjóri [[Bifreiðastöð Vestmannaeyja | Bifreiðastöðvar Vestmannaeyja]] til ársins 1940. Þá snéri hann sér að söng- og tónlistarkennslu við [[Barnaskóli Vestmannaeyja | Barnaskóla Vestmannaeyja]], þar starfaði hann til æviloka. Ásamt framangreindu var Oddgeir stjórnandi [[Lúðrasveit Vestmannaeyja | Lúðrasveitar Vestmannaeyja]] frá stofnun (1939) og þar til hann lést jafnframt því að vera eitt af höfuðskáldum Vestmannaeyja ásamt [[Loftur Guðmundsson | Lofti Guðmundssyni]], [[Ási í Bæ | Ása í Bæ]] og [[Árni úr Eyjum | Árna úr Eyjum]]. Mörg af fallegustu lögum Eyjanna hafa orðið til á nótnaborði Oddgeirs og nægir þar að nefna perlu eins og „[[Ég veit þú kemur]]“. Oddgeir samdi fyrsta þjóðhátíðarlag Vestmannaeyja, lagið „[[Setjumst hér að sumbli]]“ árið 1933. Síðustu tónleikarnir sem Oddgeir stjórnaði Lúðrasveit Vestmannaeyja voru haldnir í [[Landakirkja | Landakirkju]] sunnudaginn 2. janúar árið 1966. Oddgeir lést síðan rúmum mánuði síðar, við tónlistarkennslu 18. febrúar.

Oddgeir samdi þegar á unga aldri lög sem hafa verið vinsæl með þjóðinni, en mörg laga hans voru fyrst kynnt á [[Þjóðhátíð Vestmannaeyja]].

Oddgeir fékk til liðs við sig snjalla textahöfunda, vini sína [[Árni úr Eyjum|Árna úr Eyjum]] og [[Ási í bæ|Ása í Bæ]] auk [[Loftur Guðmundsson|Lofts Guðmundssonar]], en einnig samdi Oddgeir lög við ljóð annarra skálda.  

Síðustu tíu ár ævinnar var hann tónmenntakennari í [[Barnaskóli Vestmannaeyja|Barnaskóla Vestmannaeyja]]. Það gaf honum tækifæri til að örva söng og gleði sem Eyjamönnum er í blóð borin.