Heimahöfn

Þjóðhátíðarlag
1970	1971	1972

Ó, fylgdu mér í Eyjar út

er andar golan sumarhlý,

þar vinir bjóða vín af stút

og vitökurnar eftir því.

Í Kafhelli þá fyrst ég fer

því frændi lánar bátinn sinn,

og siglir út um Súlnasker

og síðan reika um Hamarinn.

Ég gæti þulið þúsund nöfn

og þyrfti að heilsa hverjum stað,

því þetta er hjartans heimahöfn,

ég held ég fari nær um það.

Á Klettsvíkina kom ég fyrr

og kannast þar við hverja hlein.

Ó, manstu út við Ægisdyr

er aftansólin fegurst skein,

mér finnst það hafi gerst í gær

að glettist blær við lokka og kinn,

því aldrei gleymast augun skær

né æskubjartur hlátur þinn.

Svo göngum við rinda og reit

þar rekja sporin liðna tíð,

og minningin vaknar mörg og heit

um mína vini fyrr á síð.

Lag og texti: Ási í Bæ