Sjómannadagsblað Vestmannaeyja 2003/ Kojuvaktin

Hjörtþór Hjörtþórsson

Kojuvaktin

Hjörtþór Hjörtþórsson, kallaður Hjörsi, var sérkennilegur, ljúfur og skemmtilegur karl hér á árum áður. Á hann hefur verið minnst áður í þessu blaði, og aðeins kemur hann við sögu í Tveir eftirminnilegir trilluróðrar á bls. 110
Margar sögur eru til af Hjörsa. Þær lýsa léttum og sérstökum karli sem lengi átti heima hér í Eyjum. Margir muna eftir honum sem bakara hjá Magnúsi Bergssyni, bakarameistara og útgerðarmanni, einnig stundaði hann sjóinn og til þess var tekið hvað hann var lítið klæddur á hverju sem gekk. Illugi bróðir Hjörsa var skipstjóri á Heklu, Garðari o.fl. bátum á árunum 1912 til 1930 þegar hann lést. Myndar skipstjóri og aflamaður. Einhverju sinni þegar Hjörsi réri á línu hjá Illuga, kallaði skipstjórinn til hans að láta belginn fara. Þá voru belgir eingöngu notaðir, baujur ekki komnar til sögunnar. Eftir að einhver tiltekinn fjöldi stampa var lagður. ætlaði Illugi að beygja á lögninni. Hann kallaði því til Hjörsa eftir dálitla stund og spurði hvað margir stampar væru farnir. Enginn, var svarið. „Hvernig stendur á því“, spurði skipstjórinn, „það er góð stund síðan ég sagði þér að láta belginn fara?“ „Ég var ekki búinn að hnýta línunni í færið þegar þú sagðir mér það“, var svarið.

Úr fundargerð Landnytjanefndar Vestmannaeyja 20. mars 2003 5. mál: Bréf frá Kristjáni Bjarnasyni sem var samferða tveimur hrossum á leið sinni til Eyja með Herjólfi.
Formanni falið að kanna þetta ferðalag á hrossunum. Að öðru leyti vísar nefndin til væntanlegrar búfjársamþykktar. Eftirfarandi auglýsingar voru í Víði árið 1938: Sjóeyðslan Hér með er alvarlega skorað á alla, sem nota sjó frá sjóveitunni, að fara eins sparlega með sjóinn og mögulegt er. Bæjarstjórinn í Vestmannaeyjum Jóh. Gunnar Ólafsson 5 og 10 kerta perurnar eru komnar Har. Eiríksson Nýkomið Harðfiskur vel barinn og reglulega góður lúðu og steinbítsriklingur í V* og Vi kg. pökkum. Versl. Jóh. A. Bjarnasen ■ i ■“' ■

Svör Snorra Óskarssonar safnaðarhirðis og kennara við Stýrimannaskólann á prófi í eldvörnum

Snorri Óskarsson

Snorri sat yfir prófi í eldvörnum þegar einn nemanda vantaði vegna veikinda. Til þess að gera eitthvað á meðan á yfirsetunni stóð, svaraði hann eftirfarandi spurningum á sinn hátt. Snorri Óskarsson l.Nefnið 3 frumskilyrði þess að eldur geti brunnið (brunaþríhyrningur) Svar. Þú þarft sömu skilyrði og vélin, þ.e. brennsluefni (og smurning til að fletir slitni minna), loft (helst frá Ahaldaleigunni) og síðast en ekki síst varma, annars verður efninu kalt. Eldur brennur hægar því kaldari sem hann er. Þó er það þannig að þeir köldustu gera mest. 2.Teljið upp þrjár megin slökkviaðferðir. Svar. Slökkva með vatni, lofttegund sem brennur ekki. Slökkva með ábreiðum Slökkva með dufti. Eða bara kalla á brunaliðið, það sér um málið. 3.Í hvaða ástandi slekkur vatn best ? Svar. Vatn slekkur best við fasaskipti, Þá breytist það í gufu og tekur til sín orku. Eins kælirþað niður efnaskiptin sem eiga sér stað við brunann uns þau eru hindruð.

• Efnisyfirlit: Sjómannadagsblað Vestmannaeyja