Sjómannadagsblað Vestmannaeyja Trjámaðkur og tréæta í tréskipum

SIGMAR ÞÓR SVEINBJÖRNSSON

Trjámaðkur tréæta í tréskipum

Varðar öryggismál sjómanna

Nokkuð hefur verið um það á síðustu árum að tréskip sökkvi við bryggju og reyndar einnig úti á rúmsjó. Þegar það gerist í höfnum er auðvelt að rannsaka og finna út ástæður þess að skipið sökk, en ef það gerist úti á rúmsjó er erfiðara um vik. Dæmi eru um að tréskip hafa sokkið eða verið við það að sökkva vegna þess að þau hafa verið maðk- og/eða tréætuétin. Man ég eftir nokkrum tilfellum frá því ég byrjaði að vinna við skipaskoðun.
En þurfum við að hafa einhverjar áhyggjur af þessum trjámaðki og tréætum og er eitthvað eftir af tréskipum við Íslandsstrendur? Á íslenskri skipaskrá voru um síðustu áramót 208 skip smíðuð úr eik eða furu, hafði fækkað um 10 skip frá árinu 2008. Þessi skip eru af ýmsum stærðum og eru þannig skráð í skipaskrá eftir notkunartegund: Fiskiskip 131, skemmtibátar 52, farþegabátar 8, farþega og fiskiskip 8, lóðsbátar 2, Seglskip 6 og eitt víkinga- skip. Þessi upptalning sýnir að enn er töluverður fjöldi tréskipa í notkun við strendur landsins.

Trjámaðkur er í raun ekki maðkur, heldur skel- dýr, eða samloka (Mollusca) með litla skel á fram- endanum sem hefur ummyndast og nýtist sem bor og borar hann sig inn í tré. Sama er að segja um tréætuna, hún er heldur ekki krabbi, en af ættkvísl- inni jafnfætlur (Isopoda). Munur á skemmdum eftir maðkinn og tréætuna, (staurakrabba) er sá, að maðk- urinn leynist inni í viðnum og holar hann að innan, en jafnfætlan og skemmdimar eftir hana em alltaf sjáanlegar á yfirborði. Á síðustu árum hafa trjámaðkur og tréæta fundist í trébátum jafnvel á stöðum þar sem þessi kvikindi hafa ekki sést í áratugi. Skýringin gæti verið sú að hér áður fyrr var öllu skolpi dælt í hafnirnar eins og t.d. sápu, klór, vítissóta og fl. Þetta var gert í tugi ára í Vestmannaeyjum. Þessi efni hafa sennilega drepið kvikindin eða haldið þeim í skefjum, allavega var lítið um að þau næðu að komast í tréskipin. Þegar aftur á móti kröfur voru gerðar um að koma skolpi út úr höfnunum, skolphreinsistöðvar komu til sög- unar, og hafnir urðu aftur hreinar fór að bera meira á trjámaðki og tréætu í það minnsta í sumum höfnum. Man ég eftir tveimur tilfellum í Vestmannaeyjum eftir að skolpið var komið út fyrir Eiði og höfnin var orðin hrein. Það erþví nauðsynlegt, eins og reyndar alltaf hefur verið, að hugsað sé um að taka upp og hreinsa tréskipin og mála árlega, annars mega menn eiga von á að skip þeirra verði þessum kvikindum að bráð. Trjámaðkurinn og tréætan geta gjöreyðilagt botn á tréskipum á stuttum tíma ef ekkert er að gert. Ekki nægir að tjarga eða bera blakkfemis á botn- inn eingöngu, þó það hjálpi mikið, heldur verður að bera sérstakan botnfarva yfir tjöruna eða grunninn. Maðkurinn er örlítill þegar hann kemur inn í viðinn  og gatið út úr viðnum verður aldrei stærra en það er í byrjun þegar maðkurinn kemur í hann. Hins veg- ar heldur maðkurinn áfram að stækka inn í viðnum meðan hann lifir, sem er á bilinu 15 til 18 mánuðir. Hann fer aldrei út úr viðnum né inn í hólf eftir annan maðk. Trjámaðkurinn er þar af leiðandi mun alvar- legra vandamál en tréætan, þar sem erfitt getur verið að sjá götin eftir hann í viðnum, þó svo viðurinn sé kannski orðinn sem næst holur að innan. Trjámaðkurinn lifir ekki í fersku vatni og hann verður að hafa opna leið út í sjóinn til að þrífast. Þetta litla auga sem hann gerir þegar hann borar sig inn í viðinn opnar leið fyrir sjó inn í viðinn. Ef mál- að er yfir gatið eða því lokað á annan hátt, drepst trjámaðkurinn. Holrúmið sem hann hefur gert verð- ur þó að sjálfsögðu áfram til staðar, en það getur þó verið betra að láta það vera óhreyft, en að sponsa viðinn eða höggva skemmdina úr, ef holrúmið er ekki því stærra. Stærð á holrúmi eftir trjámaðk má kanna með því að reka vír eða annað sambærilegt inn í gatið sem trjámaðkurinn skilur eftir sig. Gamall skipaeftirlitsmaður og skipasmiður í Vest- mannaeyjum sagði mér að þegar maðkétnir bátar

voru teknir á land á sumrin og þeir stóðu í heitu veðri, þá kom hvítur vökvi út úr götunum eftir trjámaðk- inn. Þetta gerist þegar trjámaðkurinn drepst inni í viðnum. Þetta var kallað að báturinn gréti mjólk. Tréætan (staurakrabbi) er vel þekkt í íslenskum trébryggjum. Hún lifir á mörkum fióðs og fjöru. Tréætan, sem finnst oftast uppi undir skörum í báts- skrokkum, er jafnfætla, sem borar sig inn í tréð. Hún verður um 6 mm löng, og 1-2 mm í þvermál og í flokkum svo þéttum að veggirnir á milli þeirra eru aðeins brot úr mm að þykkt og skolast því létt í burtu, en önnur kynslóð af þessari jafnfætlu kemur í staðinn, ef ekkert er að gert. Til að forðast skemmd- ir af völdum trjámaðks og tréætu er nauðsynlegt að láta útsúð tréskipa aldrei vera bera, heldur bera á hana viðurkenndan botnfarva. Sigmar Þór Sveinbjörnsson Er áhugamaður um öryggismál sjómanna