Sjómannadagsblað Vestmannaeyja 1972/ Menntun sjómanna: Stýrimannaskólinn í Vestmannaeyjum

Stýrimannaskólinn í Vestmannaeyjum

Auk beinnar kennslu voru við skólann haldnir margir fyrirlestrar með kvikmyndasýningum.
Hannes Hafstein erindreki SVFI, flutti erindi um slysavarnir og björgun mannslífa á sjó, en áður hafði farið fram árleg björgunaræfing í Herjólfsdal undir umsjón formanns Björgunarsveitar Björgunarfélagsins.
Gunnar Pétursson frá Brunamálastofnun ríkisins flutti erindi og sýndi kvikmyndir um brunavarnir.
Kjartan B. Kristjánsson verkfræðingur flutti fyrirlestra m. kvikmyndum um vinnustjórn og vinnuhagræðingu. Páll Guðmundsson, starfsmaður sjóslysanefndar, hélt fyrirlestur um slys um borð í fiskiskipum. Jóhann J. E. Kúld, fræðslufuLltrúi Fiskimats ríkisins, flutti fróðlegt erindi um fiskmeðferð og verkun sjávarafurða. Þá komu í byrjun apríl, skömmu fyrir lokapróf II. bekkjar, 2 tæknimenn frá Decca-fyrirtækinu og kynntu staðarákvörðunartæki Decca með kvikmyndum, kortum og líkitæki. Gáfu þeir skólanum gott safn rennimynda (slides), svo og kort.
Á vetrinum fóru nemendur eins dags æfingarferð með skipum Hafrannsóknarstofnunar. Nemendur I. bekkjar fóru með r/s. Hafþór, en skipstjóri var Valgarður Þorkelsson. Farið var á grunn hér vestan Eyja, æfð köstun síldar-nótar svo og almenn sigling og notkun siglingatækja.

Nemendur II. bekkjar fóru út með r/s. Bjarna Sæmundssyni undir skipsstjórn Sæmundar Auðunssonar, en leiðangursstjóri var Guðni Þorsteinsson. Nýtt fiskitroll var reynt og voru auk nemenda með í ferðinni netagerðarmenn héðan úr Vestmannaeyjum.

Nemendur Stýrimannaskólans í Vestmannaeyjum skólaárið 1971-1972.

Þessar ferðir eru ákaflega gagnlegar og hressandi innskot í námstímanum, sem er með stífri stundatöflu.

Einnig er mjög lærdómsríkt fyrir nemendur að ræða við skipstjóra og leiðangurssstjóra þessara skipa, sem eru hafsvæðunum í kringum landið mjög vel kunnugir, eins og fram kemur í grein, sem tekin er úr skýrslu eins nemanda um ferðina.
Ameríska bókasafnið gaf 20 fróðlegar bækur í flokknum Natural Science, en bókasafnið hefur áður sent skólanum ágæt kort af tunglinu og gangi sjávarfalla.
Loftur Bjarnason útgerðarmaður í Hafnarfirði sendi skólanum á haustmánuðum stórgjöf, sem er líkan af landgrunninu. Hefur Páll Ragnarsson aðstoðarsiglingamálasstjóri gert líkan þetta.
Fiskiðjan hf. gaf skólanum sjónvarpstæki, sem var utanbæjarmönnum á heimavist, svo og nemendum Stýrimannaskólans og Vélskólans, sem bjuggu úti í bæ, til mikillar ánægju; svo og gagns við enskukennslu í sjónvarpi, sem nemendur fylgdust með.
Slysavarnardeildin Eykyndill gaf skólanum blásturs- og öndunartæki; en deildin gaf þannig tæki í alla báa hér í höfn. Ísfélag Vestmannaeyja gaf nokkrar bækur.
Útgerð Halkions gaf morselampa. Decca-fyrirtækið gaf kort og myndir eins og fyrr er

að vikið. Við skólaslitin gáfu þeir bræður Björn og Tryggvi Guðmundssynir 10.000 kr. í minningarsjóð þeirra bræðra um foreldra sína, hjónin frá Miðbæ, Áslaugu Eyjólfsdóttur og Guðmund Eyjólfsson. Sjóðurinn, sem ætlaður er til styrktar efnalitlum nemendum við Stýrimannaskólann, er nú 110.000 kr.

Nemendur í I. bekk Stýrimannaskólans í Vestmannaeyjum veturinn 1971-1972. 1. röð frá vinstri: Steindór Árnason, Sigþór Pálsson, Ólafur Þorkell Pálsson, Þorsteinn Jónsson. 2. röð: Örn Snorrason, Jón Valtýsson, Lúðvík Einarsson, Páll Grétarsson. 3. röð: Gísli Tómas Ívarsson, Kristján B. Laxfoss, Ólafur Svanur Gestsson. 4. röð: Birgir Smári Karlsson, Símon Sverrisson, Atli Sigurðsson.

Skólinn þakkar allar þessar gjafir og hlýhug.

Fiskimannapróf 1. stigs var haldið í lok mars og luku 11 nemendur prófi: Atli Sigurðsson, Vestm., Birgir Smári Karlsson, Grindavík, Gísli Tómas Ívarsson, Vestm., Jón Valtýsson, Vestm., Lúðvík Einarsson, Breiðdalsvík, Ólafur Svanur Gestsson, Bolungavík, Ólafur Þorkell Pálsson, Kópavogi, Kristján B. Laxfoss, Vestm., Steindór Árnason, Vestm., Þorsteinn Jónsson, Vest., og Örn Snorrason, Siglufirði.
Hæstu einkunn hlaut Lúðvík Einarsson, Ási, Breiðdalsvík, 7,53, sem er mjög góð ágætiseinkunn. Annar var Steindór Árnason, Vestmannaeyjum með 7,0.

Fiskimannapróf II. stigs var haldið í lok apríl og byrjun maí. Prófinu luku 13 nemendur: Ástvald Bern Valdimarsson, Hornafirði, Birgir Bernódusson, Vestm., Hermann Ragnarsson, Húsavík, Hólmar Víðir Gunnarsson, Breiðdalsvík, Jón Bondó Pálsson, Vestm., Jón Einar Jónsson, Neskaupstað, Jón Sveinbjörnsson, Neskaupstað, Jóhann Halldórsson, Vestm., Jóhann Runólfsson, Vestm., Kristján Guðmundsson, Ísafirði, Sigurður Pálmi Pálsson, Breiðdalsvík, Sverrir Gunnlaugsson, Vestm., Þórarinn Ingi Ólafsson, Vestm.

Nemendur í II. bekk Stýrimannaskólans í Vestmannaeyjum veturinn 1971-1972. 1. röð frá vinstri: Sigurður Pálmi Pálsson, Ástvald Valdimarsson, Jón Einar Jónsson. 2. röð: Jóhann Runólfsson, Hermann Ragnarsson, Jón Bondó Pálsson. 3. röð: Kristján Guðmundsson, Jóhann Halldórsson, Birgir Bernódusson. 4. röð: Þórarinn Ingi Ólafsson, Sverrir Gunnlaugsson. 5. röð: Jón Sveinbjörnsson, Hólmar Víðir Gunnarsson, Ólafur Guðjónss.

Prófdómarar voru Róbert Dan Jensssn, Rvk, Angantýr Elíasson og Kristinn Pálsson í siglingafræðifögum, en í öðrum greinum Hörður Bjarnason, Einar Guttormsson, Bogi Sigurðsson, Einar Guðmundsson, Einar Haukur Eiríksson og Jón Hjaltason, sem var formaður prófnefndar.

Hæstu einkunn hlaut Sverrir Gunnlaugsson, 7,30, sem er ágætiseinkunn, annar var Hermann Ragnarsson með 7,10, mjög há 1. eink., þriðji Þórarinn Ingi Ólafsson með 7,07. Hæst er gefið 8.
Sverrir fékk bókaverðlaun frá skólanum. Við skólaslitin afhenti Friðfinnur Finnsson bréfapressu Sjóvá, en á Sjómannadaginn verða afhent verðlaun Verðandi fyrir hæstu einkunn, Verðanda-úrið, svo og skjöldur glæsilegur, sem Einar Sigurðsson útgerðarmaður hefur gefið fyrir hæstu einkunn undanfarin ár.
Viðurkenningu úr verðlaunasjóði frú Ástu Sigurðardóttur og Friðfinns Finnssonar fyrir ástundun og reglusemi víð namið hlutu: Úr I. bekk: Steindór Árnason. Úr II. bekk: Þórarinn Ingi Ólafsson.
Hæstu einkunn í siglingafræði hlaut Sverrir Gunnlaugsson, 46 stig af 48 mögulegum og fékk í verðlaun bókina Hafísinn.
Um vöxt skólans og viðgang er það að segja, að nú liggur fyrir á Aiþingi stjórnarfrumvarp, þar sem inntökuskilyrðum og fleiru verður breyrt til samræmis við lög um Stýrimannaskólann í Reykjavík, sem voru samþykkt nú í vetur á þinginu.
Með fleiri nemendum og auknum tækja- og bókakosti er farið að gæta þrengsla í skólahúsinu. Vestmannaeyingar verða nú að fara að sýna hver alvara þeim er i að gera Vestmannaeyjar að skólabæ sjávarútvegsins eins og allir eru sammála um; a. m. k. í orði. Verður hið fyrsta að hefja undirbúningsframkvæmdir við skólabyggingu með aðstöðu til heimavistar fyrir fleiri nemendur.

Með framsýni og dug þyrfti að koma þessu máli fram. Hér í bæ er nú komin á stofn rannsóknarstofa í þágu fiskiðnaðarins, og með stofnun fiskiðnskóla yrði skóli sjávarútvegsins mjög bráðlega um 100 manna skóli. Undirbúning allan þarf að vanda vel og gefa sér tíma tii hlutanna.
Í sjómannaskólunum í Vestmannaeyjum voru í vetur, er flest var, um 70 nemendur: 30 nemendur í Stýrimannaskólanum 26 nemendur í Vélskólanum 12 nemendur í Matsveinaskóla.
Þetta er mál, sem allir, er hafa áhuga á framgangi sjávarútvegsins verða að halda vakandi.
Þannig stofnun getur orðið sjómönnum og byggðarlaginu til mikils viðgangs og eflingar á hinum fjölmörgu sviðum útvegsins, bæði vegna bættrar meðferðar og nýtingar aflans, svo og veiðarfærarannsókna, en Vestmannaeyingar eiga mjög færa netagerðarmenn.
Góður námsmaður: Sævaldur Elíasson lauk farmannaprófi sl. vor með hæstu einkunn frá Stýrimannaskólanum í Reykjavík eins og um var getið í síðasta blaði. Sævaldur fór sl. haust á Varðskipadeild skólans og var þar langhæstur 14 nemenda með 7,55, sem er mjög góð ágætiseinkunn. Við óskum Sævaldi til hamingju með þennan ágæta árangur. Hann var sl. vetur stýrimaður á Þórunni Sveinsdóttur með Sigurjóni Óskarssyni.

Matssveinanámskeið

Síðastliðið haust og fram í janúar var haldið matsveinanámskeið á vegum Stýrimannaskólans og Matsveina- og Veitingaþjónaskóla Íslands.
Tilhögun var mjög svipuð og á námskeiðinu, sem lauk í fyrra.
Verkleg kennsla var í eldhúsi Ísfélags Vestmannaeyja, sem rekið er í sambandi við sameiginlega matstofu frystihúsanna í Vestmannaeyjum. Var aðalkennari Sigurgeir Jóhannsson matsveinn. Verkleg kennsla var 5 daga vikunnar, 3 tíma í senn frá kl. 4 til 7 síðdegis. Einn dag í viku voru 3 bóklegir tímar í ensku, Íslensku og reikningi fyrir þá, sem ekki voru gagnfræðingar. Kennt var í Stýrimannaskólanum.
Stutt námskeið í bakstri með pressugeri var hjá Sigmundi Andréssyni bakarameistara. - Kenndi Sigmundur algengustu meðferð á pressugeri og bökun á franskbrauðum, „rúnnstykkjum" og vínarbrauðum.

Prófað var um miðjan janúar og var Magnús Guðmundsson bryti á Hrafnistu prófdómari. Var prófað í bóklegri og verklegri matreiðslu.
Tólf nemendur stunduðu reglulega nám á námskeiðinu, en 11 nemendur luku prófi og náðu allir tilskildri lágmarkseinkunn, 5,0, til þess að halda áfram á síðari hluta námskeiðsins.
Til gamans birtum við hér skriflegt matreiðslupróf nemenda.

Lýsið lögun eftirtaldra rétta:

1. Ítölsk súpa

2. Hollensk súpa

3. Hvernig er kjötfars lagað?

4. Steiktur fiskur - lýsið 2 aðferðum

5. Hvernig er nýr fiskur þekktur frá gömlum fiski?

Þeir sem luku prófi voru: Ágúst Halldórsson, Eyvindur Ólafsson, Guðmundur Pálsson, Jón Ingi Steindórsson, Jón Rafn Högnason, Júlíus A. Sveinsson, Kjartan Eggertsson, Sveinn Þorsteinsson, Sigtryggur Vilhjálmsson, Sævar Guðjónsson, Kolbeinn Ólafsson.
Ætlunin er að ljúka námskeiðinu næsta haust og er ráðgert að kennsla hefjist ekki síðar en 15. september.

Tryggvi Þorfinnsson, sem var skólastjóri Matsveina- og veitingaþjónaskólans um árabil, andaðist í fyrra. Hann var okkur Vestmannaeyingum mjög hliðhollur og velviljaður, er námskeiðunum var komið hér á fót haustið 1969.
Við skólastjórn af Tryggva tók Sigurður Gröndal, sem hefur verið yfirkennari við skólann um fjöldamörg ár.
Hann var námskeiðinu hér á allan hátt hinn hjálplegasti.

Vélskóli Íslands í Vestmannaeyjum SKÓLANUM var slitið 20. maí sl. og lauk þar með 4. starfsári skólans í Vestmannaeyjum.
Skólinn hófst 15. september og stunduðu 27 nemendur nám í skólanum. Stóðust 25 nemendur próf og luku þeim sem hér segir:
Vélstjórastigi I. stig luku 15 nemendur.
Vélstjórastigi II. stigs luku 10 nemendur.
Kennarar auk skólastjórans, Jóns Einarssonar, voru: Kristján Jóhannesson, aðalkennari í vélfræðifögum; ungur maður, er lauk námi við Vélskóla Íslands í Rvík sl. vetur, ættaður úr Borgarfirði, Björn Sv. Björnsson, Sveinbjörn Guðlaugsson, Lýður Brynjólfsson, Hermann Magnússon, Jón Kr. Óskarsson, Össur Kristinsson og Ármann Eyjólfsson. Námskeið í skyndihjálp var í umsjá frú Guðbjargar Ágústsdóttur hjúkrunarkonu og Gísla Magnússonar íþróttakennara. Sund kenndi Guðmundur Ingi Sveinbjörnsson.
Undir vélstjórapróf I. stigs gengu 17 nemendur, stóðust 15 prófið, 11 nemendur náðu framhaldseinkunn.
Þeir, sem luku vélstjóraprófi I. stigs voru:
Árni Árnason, Selfossi, Árni Halldórsson, Grundarfirði, Bírgir Sæmundsson, Vestm., Bragi Júlíusson, Þykkvabæ, Friðrik Jósepsson, Vestm., Gunnbjörn Guðmundsson, Grindavík, Gísli Sveinbjörnsson, Vestm., Jóhann Alfreðsson, Vestm., Jóhannes Ragnarsson, Vestm., Jón Ólafsson, Vestm., Stefán H. Jónsson, Vestm., Vilhjálmur Sigurðsson, Vestm., Þorsteinn Guðmundsson, Siglufirði, Þorfinnur Snorrason, Selfossi, Ögmundur Sigurðsson, Vestm.
Vélstjórapróf 1. stigs veitir 500 hestafla réttindi á fiskiskip eftir tilskilinn siglingatíma.
Hæstu einkunn við prófið hlaut Friðrik Jósepsson, 9,58, sem er óvenju há einkunn, og hæsta próf, sem hefur verið tekið við Vélskólann hér síðan hann tók til starfa. Næstur var Vilhjálmur Sigurðsson með 8,87, Þorfinnur Snorrason með 8,54 og Jóhannes Ragnarsson með 8,40.
Til að ná framhaldseinkunn þarf að fá yfir 6 í aðaleinkunn, og engin einkunn má vera lægri en 4. Minnst 20 stig í fjórum vélfræðigreinum þarf til að standast vélfræðipróf.
Undir vélstjórapróf II. stigs gengu 10 n:m-endur og stóðust það allir. Prófi luku: Bergmundur Sigurðsson, Vestm., Friðrik Vilhjálmsson, Vestm., Geir Guðbjörnsson, Kárastöðum, Þingvallasveit, Guðmundur Einarsson, Grindavík, Guðmundur Örn Einarsson, Seyðisfirði, Gústaf Ó. Guðmundsson, Vestm., Helgi Hermannsson, Vestm., Jens Oddsteinn Pálsson, Vestm., Kristján Birgisson, Vestm., Símon Þór Waagfjörð, Vestm.
Prófið veitir 1000 ha. réttindi á fiskiskip, eða 800 ha. á flutningaskip.
Hæstu einkunn hlaut Gústaf Ó. Guðmundsson, 8,43, næstur honum var Helgi Hermannsson, 8,15, þriðji Guðmundur Örn Einarsson, 7,80.
Prófdómarar í vélfræði voru Gunnar Ólafsson vélstjóri, Gilsbakka, og Bogi Sigurðsson verksmiðjustjóri frá Stakkagerði.
Við skólaslitin voru veitt ágæt verðlaun.
Vélstjórafélag Vestmannaeyja hefur ákveðið að heiðra besta námsárangur við 1. stigs prófið með skrautritaðri bók og hlaut Friðrik Jósepsson verðlaunin. Jón Einarsson skólastjóri sagðist spá því, að Friðrik Jósepsson myndi á þeim námsárum, sem framundan væru eignast marga slíka verðlaunagripi.
Vélsmiðjan Magni gaf nú í fyrsta skipti mjög glæsileg verðlaun fyrir bestan árangur í vélfræðigreinum við 2. stigs próf. Eru verðlaun þessi vandað gullúr. Hlaut Gústaf Guðmundsson verðlaunin.
Vélskólanum hafa á skólaárinu borist margar góðar gjafir: Indikator og míkrómeter frá nemendum fyrra árs. Eru þetta tæki til að gera aflmælingar á vélum.
Eigendur Sæfaxa gáfu G.M. dieselmótor; 160 ha. Fiskiðjan gaf Volvo-Penta diesel-mótor. Olíuverslun Íslands gaf skólanum sýnishorn af vörum sínum og lánaði kvikmyndavél.
Jón Einarsson hefur nú í hyggju að hverfa frá Vélskólanum, og munu allir sakna hans. Góð tengsl hafa myndast við Vélskólann vegna lipurðar Jóns og hjálpsemi á öllum sviðum.
Mikill munur er nú á vélstjóra- og tæknimenntun í bænum frá því sem var. Í Vélskólanum í Reykjavík voru s.l. vetur 6 nemendur, er luku 2. stigs prófi héðan í fyrra og hafa þeir staðið sig prýðilega við skólann.
Sjómenn í Vestmannaeyjum þakka Jóni Einarssyni góð störf á undanförnum árum.

• Efnisyfirlit: Sjómannadagsblað Vestmannaeyja