Herjólfur

Herjólfur IV
Skipanúmer:	2941
Smíðaár:	2019
Efni:	{{{Efni}}}
Skipstjóri:	Haraldur Hannesson, Héðinn Karl Magnússon, Jóhann Brimir Benonýsson, Brynjar Smári Unnarsson
Útgerð:	Vegagerðinn á skipið en Herjólfur ohf rekur skipið.
Þyngd:	3.270 brúttótonn brúttótonn
Lengd:	68.86 mm
Breidd:	15.1 mm
Ristidýpt:	2,8m
Vélar:	3x1230kW rafmagn og olía
Siglingahraði:	15,5 sjómílur sjómílur
Tegund:	Bílferja
Bygging:	2019
Smíðastöð:	Christ S.A. Póllandi
Heimahöfn:	{{{Heimahöfn}}}
{{{annað}}}

Herjólfur kemur til hafnar, séð af Heimakletti.

Herjólfur hefur verið heiti á fjórum bílferjum sem gengið hafa á milli Vestmannaeyja og Þorlákshafnar. Núverandi Herjólfur, sá fjórði í röðinni, var tekinn í notkun árið 2019, og var þar um að ræða margfalt stærra og hraðskreiðara skip en það sem á undan gekk. Hann tekur um 75 fólksbíla og allt að 540 farþega. Skipin eru nefnd eftir Herjólfi Bárðarsyni, sem talinn er vera fyrsti landnámsmaður Vestmannaeyja.

Herjólfur er þjóðvegur Vestmannaeyinga við meginlandið og eina áreiðanlega tengingin við Ísland. Vestmannaeyingar hafa mátt þola frá upphafi byggðar nokkra einangrun vegna samgangna. Á meðan ekki er örugg vegtenging við meginlandið, eins og t.d. jarðgöng, þá mun Herjólfur þjóna Eyjamönnum og öðrum farþegum, hvort sem það verður Herjólfur IV eða annað skip.

Herjólfur I

Herjólfur I á leið til Þorlákshafnar

Herjólfur fyrsti var byggður í Hollandi og kom að bryggju þann 12. Desember 1959. Hinn fyrsti Herjólfur gekk daglega á milli Reykjavíkur og Vestmannaeyja, það sigldi auk þess hálfsmánaðarlega til Hornafjarðar og á sumrin hin síðari ár til Þorlákshafnar einu sinni í viku. Hann var í þessum ferðum allt þar til í júlí 1974. Skipið var í eigu Skipaútgerðar ríkisins og höfðu Vestmannaeyingar lítið að segja um hvernig útgerð þess var háttað. Skipið var síðan selt til honduras.

Herjólfur II

Herjólfur II

Í júnímánuði árið 1976 kom til Eyja ný Herjólfsferja í eigu hlutafélagsins Herjólfur hf. sem stofnað hafði verið um eign og rekstur flutningaskips milli lands og Eyja.

Skipið var smíðað í Kristiansund í Noregi og var 1038 brl. að stærð með 2400 hestafla aðalvél af Wichmann gerð. Herjólfur II gat flutt um 350 farþega í hverri ferð yfir sumarmánuðina og gat haft með sér tæplega 40 fólksbíla á tveimur bílaþilförum.

Siglingahraði skipsins var um 12,5 sjómílur á klukkustund, tók því tæplega þrjá og hálfan tíma að sigla til Þorlákshafnar.

Var þetta mikil bylting frá fyrri skipum sem haldið höfðu uppi ferðum milli Vestmannaeyja og lands, auk þess sem skipið var staðsett í Eyjum og gert út þaðan.

Þessi fyrsti Herjólfur sem Herjólfur hf. átti og rak, var í ferðum til og frá Eyjum frá því í júlímánuði árið 1976 fram í júnímánuð árið 1992 eða í tæp 16 ár og flutti á þessu tímabili u.þ.b. 800 þúsund farþega og um 150 þúsund farartæki.

Skipið var að lokum selt til Svíþjóðar og var það sænski herinn sem keypti það.

Herjólfur III

Í júnímánuði árið 1992 kom síðan önnur nýsmíði félagsins til landsins. Það skip hlaut líka nafnið Herjólfur.

Nýja skipið er smíðað í Flekkefjord í Noregi og er 2222 brúttólestir að stærð með 2 aðalvélar af Alphaman gerð og eru þær samtals um 7300 ha. Skipið er 71 m. langt og 16 m breitt og getur flutt allt að 500 farþega í ferð og um 65 fólksbíla.

Þetta skip siglir venjulega á um 16,5 sjómílna ferð og tekur siglingin til Landeyjahafnar u.þ.b. 35 mínútur en siglingin til Þorlákshafnar u.þ.b. 2 klst. og 45 mín.

Á þeim tíma sem Herjólfur h.f. átti þetta skip, þ.e. á tímabilinu 1992-2000, flutti það u.þ.b. 750 þúsund farþega og um 200 þúsund farartæki stór og smá.

Árið 2011 voru farþegar 267þ.

Um áramótin 2000-2001 var félagið selt Ríkissjóði/Vegagerð og þar með var sögu hlutafélagsins Herjólfs lokið. Frá þeim tíma til 1. jan. 2006 hafa Samskip haft umsjón og rekið Herjólf, en eftir 1. jan 2006 rekur Eimskip Herjólf. Í núverandi sumaráætlun siglir Herjólfur 34 sinnum milli Vestmannaeyja og Landeyjahfanr á viku en 28 ferðir í vetraráætlun. Vegna erfiðleika í Landeyjahöfn yfir vetrarmánuðina hefur Þorlákshöfn verið notuð sem varahöfn og hefur Herjólfur siglt þangað í um 5 mánuði sl. tvo vetur, tvær ferðir alla daga.

Herjólfur III kom til Eyja árið 1992 og er stefnt að því að ný ferja hefji siglingar milli Vestmannaeyja og Landeyjahafnar árið 2014-2015. Það sem margir Vestmannaeyingar vilja sjá eru jarðgöng í stað nýs Herjólfs en ljóst er að eftir reynslu Eyjamanna af fyrri skipum yrði hægt að nýta reynsluna í að fá skip sem þjónar þörfum Eyjabúa enn betur.

Herjólfur IV

Herjólfur IV er farþega- og bílaferja í rekstri Herjólfs ohf., opinbers hlutafélags í eigu Vestmannaeyjabæjar. Ferjan var smíðuð í Póllandi af skipasmíðastöðinni Christ S.A. og var formlega vígð 15. júní 2019 við hátíðlega athöfn þar sem Katrín Jakobsdóttir, þáverandi forsætisráðherra, gaf skipinu nafn sitt.

Fyrsta áætlunarferð Herjólfs IV var farin 25. júlí 2019. Ferjan er sérstaklega hönnuð fyrir siglingar til Landeyjahafnar og hefur reynst mikil samgöngubót fyrir Vestmannaeyjar. Hún siglir að jafnaði milli Landeyjahafnar og Heimaeyjar, en notar Þorlákshöfn sem varahöfn þegar aðstæður krefjast. Árið 2021 voru um 80% ferða farnar um Landeyjahöfn.

Herjólfur IV er rafvæddur og getur siglt fram og til baka eingöngu á rafmagni við hagstæð skilyrði. Skipið ristir minna og eyðir minna eldsneyti en forveri þess, Herjólfur III, þrátt fyrir að flytja fleiri farþega og ökutæki. Minni djúprista gerir ferjunni jafnframt kleift að nýta Landeyjahöfn betur.

Ferjan tekur um 540 farþega og 60–75 bíla, samanborið við 500 farþega og 55 bíla í Herjólfi III. Herjólfur IV er fjórða farþegaferjan sem ber nafnið Herjólfur og þjónar siglingum milli lands og Vestmannaeyja.

Herjólfur ohf. leggur áherslu á að vera þjónustufyrirtæki sem sinnir fyrst og fremst samgönguþörfum Vestmannaeyinga, en jafnframt að stuðla að því að fleiri kynnist þeim náttúru- og menningarverðmætum sem Vestmannaeyjar hafa upp á að bjóða.

Þegar Herjólfur IV tók við ferjusiglingum árið 2019 var Herjólfur III áfram hafður til reiðu sem varaskip og jafnframt leigður til vöruflutninga í Færeyjum.

Misjöfn reynsla

Dekkið á Herjólfi I.

Sjóleiðin milli lands og Eyja getur verið erfið. Sjólag getur haft þau áhrif að ferðin verði miður skemmtileg fyrir suma. Almennt eru þó ferðir Herjólfs þægilegar enda er Herjólfur gott sjóskip. Ferðir Herjólfs falla sjaldan niður. Ferð með Herjólfi er að öllu jöfnu góð ferð þar sem ýmislegt er hægt að gera til að stytta stundirnar. Hægt er að horfa á bíómyndir í sjónvarpssal eða leigja sér koju til að blunda á meðan ferð stendur, en aðrir fá sér að borða í kaffiteríu skipsins, sitja og spjalla, spila eða lesa.

Tenglar

• Heimasíða Herjólfs. Siglingaáætlun, pantanir og upplýsingar.

http://www.facebook.com/#!/ms.herjolfur. Fésbókarsíða Herjólfs þar sem settar eru inn tilkynningar varðandi skipið.

Staðsetning Herjólfs Fylgist með staðsetningu Herjólfs hverju sinni.

---

Heimildir

• Wikipedia, frjálsa alfræðiorðabókin; [1]
• Saga HERJÓLFS h.f. Vestmannaeyjum., Magnús Þór Jónasson. [2]
• https://herjolfur.is/soguas