Skoða efni Sigurjón Ingvarsson (skipstjóri)

[[Mynd:Sigurjón Ingvarsson.jpg|thumb|300px|Sigurjón í Skógum.]]
'''Sigurjón Ingvarsson''' var fæddur 20. desember 1895 og lést 29. mars 1986, 90 ára gamall. Hann var fæddur og uppalinn að Klömbru undir Austur-Eyjafjöllum. Hann fór í fyrsta sinn á sjó tólf ára gamall og vann ýmis sjóstörf á söndunum undir Eyjafjöllum næstu árin. Árið 1909 kemur hann fyrst á vertíð í Eyjum og er allar næstu vertíðir, undanskildar eru tvær þar sem hann var í Grindavík, árin 1916 og og 1917. Fyrst verður hann formaður árið 1923 þegar hann kaupir hlut í [[Þór (bátur)|Þór]]. Svo er hann formaður á [[Sæbjörg]]u, [[Soffí]], [[Gísli Johnsen (bátur)|Gísla Johnseni]] og [[Ísleifur|Ísleifi]]. Sigurjón bjó í húsinu [[Skógar]] við [[Bessastígur|Bessastíg]] og var gjarnan kenndur við hús sitt.

Sigurjón var brautryðjandi í samgöngumálum Vestmannaeyinga. Árið 1940 hóf hann [[Stokkseyrarferðirnar|Stokkseyrarferðirnar]] með [[Jón Ísak Sigurðsson|Jóni]] á [[Látrar|Látrum]]. Fengu þeir bátinn [[Skíðblaðnir|Skíðblaðni]] leigðan hjá [[Helgi Benediktsson|Helga Benediktssyni]]. Fóru þeir eina til tvær ferðir í viku til Stokkseyrar með farþega og vörur. Fargjaldið var 4 krónur. Næsta sumar höfðu þeir bátinn [[Hersteinn|Herstein]] á leigu. Þriðja sumarið höfðu þeir bátinn Gísla Johnsen á leigu og keyptu hann sumarið eftir. Þeir höfðu góðan aðbúnað fyrir farþega, t.a.m. settu þeir 44 kojur í lestina. Alls voru þeir félagar í 14 ár með Stokkseyrarferðirnar og fluttu í þeim 730 ferðum sem þeir fóru 23.000 farþega. 

Eftir Stokkseyrarferðirnar fór Sigurjón enn á sjóinn og var í áætlunarferðum milli Reykjavíkur og Eyja. 

[[Loftur Guðmundsson]] samdi eitt sinn formannsvísu um Sigurjón: 

: ''Við sjói og brim á sundi og vör''
: ''Sigurjón fangbrögð þreytir''
: ''Á Gísla Johnsen greiðir för''
: ''um græði, í borg og sveitir.''

[[Óskar Kárason]] samdi formannavísu um Guðvarð:
:''Sjöstjörnunni siglir nú
:''Sigurjón í Skógum.
:''Hleður vörum fleyja frú
:''fær í storm og sjóum.


{{Heimildir|
* [[Haraldur Guðnason]]. Snemma beygist krókurinn. ''Sjómannadagsblaðið 1961.'' 10. árg.
* Óskar Kárason. ''Formannavísur''. Vestmannaeyjum, 1950.
* ''Sjómannadagsblað Vestmannaeyja.'' 1995.
}}

[[Flokkur:Frumkvöðlar]]
[[Flokkur:Skipstjórar]]
[[Flokkur:Formenn]]
[[Flokkur:Fólk fætt á 19. öld]]
[[Flokkur:Fólk dáið á 20. öld]]
[[Flokkur:Íbúar við Bessastíg]]