Skoða efni Halldór Runólfsson (Björgvin)

'''Halldór Magnús Diðrik Runólfsson''' sjómaður í [[Björgvin]] fæddist 26. apríl 1866 og drukknaði 9. apríl 1913.<br>
Faðir hans var Runólfur steinsmiður, f. 1. desember 1835 á Maríubakka í Fljótshverfi, V-Skaft., d. 22. ágúst 1869, drukknaði í Ölfusá, Runólfsson bónda á Maríubakka, f. 14. ágúst 1803, d. 14. ágúst 1879, Sverrissonar bónda og hreppstjóra í Seglbúðum í Landbroti og á Kirkjubæjarklaustri, f. 1739, d. 25. maí 1809, Eiríkssonar, og síðari konu Sverris, Sigríðar húsfreyju, f. 1769 á Arnardrangi í Landbroti, d. 29. júní 1843, Salómonsdóttur.<br>
Móðir Runólfs steinsmiðs var Guðrún „yngsta“ frá Skaftafelli í Öræfum, húsfreyja á Maríubakka, f. 8. október 1803, d. 1. maí 1869, Bjarnadóttir „sáttamanns“ bónda og hreppstjóra í Skaftafelli, f. 1769, d. 5. febrúar 1833, Jónssonar, og konu Bjarna í Skaftafelli, Guðnýjar húsfreyju, f. 1772, d. 27. júlí 1851, Þorsteinsdóttur.<br>

Móðir Halldórs í Björgvin og barnsmóðir Runólfs steinsmiðs var Guðlaug vinnukona víða í V-Skaftafellssýslu, f. 20. nóvember 1835, Ásgrímsdóttir, og barnsmóður Ásgríms, Þóru vinnukonu og húskonu í V-Skaftafellssýslu, f. 20. ágúst 1798 í Mörtungu á Síðu, d. 15. ágúst 1884, Eyjólfsdóttur bónda í Mörtungu, f. 1774, d. 7. janúar 1819, Þórarinssonar, og konu Eyjólfs, Önnu húsfreyju, f. 1776, d. 12. febrúar 1829 í Mörtungu, Oddsdóttur.<br>

Halldór í Björgvin var hálfbróðir, samfeðra, [[Guðrún Runólfsdóttir (Sveinsstöðum)|Guðrúnar Runólfsdóttur]] á [[Sveinsstaðir|Sveinsstöðum]].<br>

Halldór var 4 ára með húskonunni móður sinni í þurrabúðinni Helgabæ í Reykjavík 1870, 13 ára tökudrengur í Hákoti í Njarðvíkum 1880. <br>
Halldór vann við fiskkaup og -verkun hjá skoskum fiskkaupmanni James White fyrir og um aldamótin 1900.<br>
Þau Anna Guðrún fluttust til Hull á hans vegum um 1903 og dvöldu þar nokkur ár. Halldór vann þar við viðskipti James White með trjávið.<br>
Þau eignuðust 2 eldri börn sín þar.<br>
Er þau fluttust heim, bjuggu þau um skeið í Bjarnaborg í Reykjavík, en fluttust til Eyja 1908.<br>
Þau bjuggu á [[Lönd-eystri|Litlu-Löndum]], en 1910 komust þau í [[Björgvin]] og bjuggu þar meðan Halldóri entist líf.<br>
Hann stundaði sjó á árabát og fórst 9. apríl 1913 með skipshöfn sinni.<br>   

I. Halldór mun hafa kvænst um 1886 og eignast dætur með konunni. Konan yfirgaf Halldór og fluttist til Vesturheims samkvæmt sögunni (''Brotasaga'').<br>

II. Sambýliskona Halldórs var [[Anna Guðrún Sveinsdóttir (Björgvin)|Anna Guðrún Sveinsdóttir]] húsfreyja á Litlu-Löndum og í Björgvin, f. 14. apríl 1868, d. 9. febrúar 1943.
Börn Halldórs og Önnu Guðrúnar voru:<br>
1. Gunnlaugur Marel Halldórsson, f. 16. febrúar 1903 í Hull, d. 27. október 1909.<br> 
2. [[Halldór Halldórsson (Björgvin)|Halldór Magnús Engiberg Halldórsson]], f. 6. apríl 1905 í Hull, drukknaði 1. mars 1942, er Þuríður formaður VE-233 fórst við Landeyjasand.<br>
3. [[James White Halldórsson]], f. 13. júlí 1906 í Reykjavík, drukknaði 22. apríl 1934, er hafnarbáturinn [[Brimill]] fórst við árekstur undan [[Klettsnef]]i.<br>
4. [[Margrét Halldórsdóttir (Björgvin)|Margrét Ingibjörg Halldórsdóttir]] húsfreyja í Björgvin, f. 25. mars 1909 á Litlu-Löndum, d. 18. ágúst 2012.<br>

[[Björn Th. Björnsson]] fjallar um samlíf þeirra Halldórs og Önnu Guðrúnar í sögulegri skáldsögu sinni ''Brotasögu'', sem út kom 1998.<br>  
{{Heimildir|
*Samantekt: [[Víglundur Þór Þorsteinsson]].
*''Brotasaga''. [[Björn Th. Björnsson]]. Mál og menning - Reykjavík 1998.
*Íslendingabók.is.
*Manntöl.
*[[Minningarrit]]. [[Páll Oddgeirsson]]. Vestmannaeyjum 1952.
*Vestur-Skaftfellingar 1703-1966. Björn Magnússon. Leiftur 1970-1973.}}
{{Æviskrár Víglundar Þórs}}
[[Flokkur: Sjómenn]]
[[Flokkur: Fólk fætt á 19. öld]]
[[Flokkur: Fólk dáið á 20. öld]]
[[Flokkur: Íbúar á Litlu-Löndum]]
[[Flokkur: Íbúar í Björgvin]]