Skoða efni Blik 1962/Vestmannaeyjabyggð 1891

[[Blik 1962|Efnisyfirlit 1962]]





<big><big><big>   <center>Vestmannaeyjabyggð 1891</center> </big></big>
<br>
<br>
<center>[[Mynd: Saga Vestm. I., b 56A.jpg|600px]]</center>


1.	 Lengst til vinstri niður við höfnina eru verzlunarhús Brydeverzlunar. ([[Austurbúðin|Austurbúðarinnar]]). Sjálft verzlunarhúsið snýr stafni að höfninni, byggt 1880 úr höggnu móbergi. <br>
2.	 Í hásuður frá verzlunarhúsinu sjást tvö lítil gerði girt torfgörðum. Hið syðra þeirra er [[Fornu-Lönd]]. Þar um bil stóð [[Landakirkja]] sú, sem Tyrkir brenndu 1627. <br>
3.	 Vestan við verzlunarhúsið sést [[Austurbúðarbryggjan]]. <br>
4.	 Spölkorn vestan við bryggjuna gengur [[Nausthamar]] svartur og grettur fram í höfnina. <br>
5.	 Vikið hægra megin við Nausthamarinn er [[Lækurinn]], athafnasvæði sjómanna í Eyjum um 10 alda skeið. Suður af Læknum, milli hans og Strandvegarins, voru [[Hrófin]], uppsátur fyrir opin skip á vertíðum og síðar skjögtbáta, eftir að vélbátarnir komu til sögunnar. <br>
6.	 Hægra megin við Lækinn (vestan við hann) sést [[Stokkhella]], sem er undirstaða  [[Bæjarbryggjan|Bæjarbryggjunnar]]. <br>
7.	 Spölkorn vestan við Stokkhellu sést [[Nýjabæjarhella]], þar sem [[Ísfélag Vestmannaeyja]] byggði frystihús sitt 1908. <br>
8.	 Vikið hægra megin á myndinni er [[Andersarvik, Annesarvik eða Anisarvik|„Anesarvikið“]], eins og það hét í daglegu tali, kallað eftir [[Anders Asmundsen|Anders skipstjóra Asmundsen]], afa séra [[Jes A. Gíslason]]ar og þeirra systkina. Anders skipstjóri er sagður hafa bjargað barni frá drukknun í viki þessu, sem skarst suður undir [[Litlibær|Litlabæ]]. <br>
9.	 Burstirnar 7 suður af „Anesarviki“
eru á Litlabæ og [[Fögruvellir|Fögruvöllum]], hinum kunnu tómthúsum. <br>
10. Lengst til hægri sjást verzlunarhús
[[Juliushaab|Júlíushaabverzlunarinnar]] (Tangaverzlunarinnar), þar sem [[Gísli Engilbertsson]] var verzlunarstjóri um tugi
ára. <br>
11.	 Langa  húsið suður af Nausthamri (tveir litlir kvistir á þekju) er eitt af   verzlunarhúsum   [[Miðbúðin|Miðbúðarinnar]], en þar setti [[Gísli J. Johnsen|G.J.J.]] á stofn atvinnurekstur sinn árið 1903. <br>
12.	 Beint í suður af austurstafni Miðbúðarhússins sést [[Þinghúsið]] með skúrbyggingu við austurhlið. Það var fangelsi Eyjamanna. <br>
13.	 Nokkrum metrum suður af Þinghúsinu sést „Gamli skólinn“, fyrsta barnaskólahúsið, sem Eyjamenn byggðu (1883). Sjá greinina um barnafræðsluna hér í ritinu. <br>
14.	 Hægra megin við miðja mynd sést bær með 4 burstum. Það er bærinn [[Stakkagerði-Eystra|Stakkagerði eystra]]. Hann var rifinn 1899. (Sjá greinina [[Stakkagerði|Stakkagerðisvöllurinn]] 	 í [[Blik 1957|Bliki 1957]]) Torfgarðurinn umhverfis túnið sést glögglega. <br>
15.	Við austurjaðar túnsins sést einstætt hús úr timbri. Það er goodtemplarahúsið á [[Mylnuhóll|Mylnuhól]], byggt 1890-1891. <br>
16.	 Til hægri á myndinni sést annar túngarður. Sá liggur að [[Nýjatún]]i að sunnan og vestan. Það lét Landssjóður rækta í atvinnubótavinnu 1871, er vertíðir brugðust gjörsamlega í Eyjum og sultur var fyrir dyrum mjög margra Eyjabúa. Mundi það ekki fyrsta  atvinnubótavinna  á  landinu? <br>
17.	 Suður af túngarði þessum vestanverðum stendur tómthúsið [[Uppsalir]]. Það vildi [[J.P.T. Bryde|Bryde kaupmaður]] selja sýslunni til skólahalds 1881. <br>
18.	 Suður af Uppsölum sést Landakirkja, byggð 1774-78. <br>
19.	 Austur af kirkjunni sést kirkjugarðurinn. <br>
20.	 Austur af kirkjugarðinum sjást [[Gerði-stóra|Gerðisbæirnir]].
 



{{Blik}}