Skoða efni Blik 1967/Kvæði Séra Þorsteinn Lúther Jónsson

[[Blik 1967|Efnisyfirlit Bliks 1967]]



<center>[[Þorsteinn Lúther Jónsson|ÞORSTEINN LÚTHER JÓNSSON]]:</center>


<big><big><big><big><center>Að vertíðarlokum</center> </big></big></big>
[[Mynd: 1967 b 256 A.jpg|thumb|250px|''Séra [[Þorsteinn Lúther Jónsson]] sóknarprestur í Vestmannaeyjum.'']]

:Sá ég feigðarflak
:fúið, upp sem rak.
:Á ægisskerjum öllum brýtur, 
:í ógnarbrimurð lífi slítur.

:Sat hún undir súð
:sæbyrðings í flúð.
:Skeiðin hafði skekkzt á grunni, 
:skynið blekkzt í einverunni.

:---

:Strax í æsku ör
:í orðum, hamslaus svör. 
:Hennar vilji var ei hinna,
:vildi' ei láta í pokann minna.

:Sigla vildi sjálf -
:og sér, ei veil né há1f. 
:Heiman fylgju hafði tekið, 
:hetjuskap og ættarþrekið.

:„Gamall þulur“ þar
:þekkti hætturnar.
:Sagði ekki sigling færa, -
:á sjóinn þann hún yrði að læra.

:„Frýjar fauskur mér,
:farborða ei sér.
:Honum eyðist afl og hreysti, - 
:á eiginn mátt og vilja' ég treysti.“

:---

:Ung svo ýtti úr „Skor“, - 
:átti hug og þor:
:að vilja láns og lystisemda 
:lífið krefja sér til efnda.

:Fleyið fljótt með skrið
:flaut á dekkstu mið. 
:Illspárlegur kuldaklakkur 
:kafaldsollinn vofði frakkur.

:Á hafi velkti vá,
:til vonarleysis brá. 
:Hugarfylgsnum hverfðist birta, 
:hleypt var undan, tók að syrta.

:Einmana er æ,
:sem aleinn hrekst um sæ. 
:Mjög á sá í vök að verjast,
:sem villtur jafnan þarf að berjast.

:Manna langt frá leið
:leiddi sálarneyð.
:En ævilangt sá er í vanda,
:sem aldrei sér til neinna landa.

:Lífsins, löng og sár,
:liðu hennar ár.
:Hana rak svo loks að landi 
:lostin brotsjóum og grandi.

:Hokin sat und súð,
:sinaber og gnúð.
:Sveið hér áður sárt í meinum, 
:syrgði hjartað oft í leynum.

:Af hafi komin hér,
:heimslán brygðult er.
:Á lokadaginn lítill hlutur, - 
:langur róður, - hroðinn skutur.

:En sköpum er nú skipt
:og skuggablæjum svift. 
:Stýrir þjóða og himna hæstur 
:henni stendur þarna næstur.

:Ljómar ljósið blítt
:í lífið hennar nýtt.
:Búin nauð, en nú er fagur 
:nóttlaus runninn sumardagur.

:Beggja skauta byr
:býðst - og „Skeiðin“ kyrr -
:til Bjartalands, sem brosir handan 
:við brotsjóinn og feigðargrandann.

::[[Þorsteinn Lúther Jónsson]]

{{Blik}}