Skoða efni Sjómannadagsblað Vestmannaeyja 1966/ Skip í Hrófunum um síðustu aldamót. Skýringar eftir Engilbert Gíslason málara

<big><big><center>Skip í Hrófunum um síðustu aldamót</center></big></big><br>
 
Myndin er eftir málverki [[Engilbert Gíslason|Engilberts Gíslasonar]] málara, í eigu fyrirtækis [[Tómas M. Guðjónsson|Tómasar M. Guðjónssonar]] við [[Formannabraut]]. Myndin sýnir Eyjaskip í nausti eins og þau munu hafa verið um aldaraðir.<br>
Yzt til vinstri er hið fræga vertíðarskip, áttæringurinn [[Gideon]] í hrófi sínu.<br>
Áraskipin áttu hvert sitt hróf og voru þau skorðuð á milli steina eins og sjá má af myndinni, og með hlunnum, og má sjá einn bak við manninn. Band var fram af skipunum og var því bundið í steina eins og greinilega má sjá fram af sexæringnum [[Mýrdælingur, áraskip|Mýrdæling]], sem er annað skipið frá vinstri. Mýrdælingur er þarna í hrófi Áróru. Formenn með Mýrdæling voru m. a. [[Þorsteinn Jónsson (þingmaður)|Þorsteinn Jónsson]] alþingismaður í [[Nýibær|Nýjabæ]] og lengst [[Jón Ingimundarson Stefánsson|Jón Ingimundarson]] í [[Mandal]].<br>
Setning stórskipa í [[Hrófin]] var ákafleg erfið.<br>
Gideon var skorðaður upp við stóra klöpp eins og sjá má á myndinni, og var einkar erfitt hjá fremstu mönnunum, þegar komið var að klöppinni.<br>
[[Mynd:Í Hrófunum um síðustu aldarmót.png|500px|thumb|center|Í Hrófunum um síðustu aldarmót.]]
Engilbert Gíslason segir, að [[Þorsteinn Jónsson (Laufási)|Þorsteinn í Laufási]] hafi eitt sinn sagt sér, að honum hafi ávallt verið það minnisstætt, þegar Jón faðir hans frá [[Hraun|Hrauni]] sýndi honum blóðrisa bakið eftir setning á gamla Gideon. Óþarfi er að segja frekar frá Gideon, svo frægur var hann og er næsta undarlegt, að enginn skuli hafa látið bát heita eftir þessu happaskipi. Frægastur formaður á Gideon var [[Hannes lóðs]], sem var með hann í 37 vertíðir, en 42 vertíðir reri hann á honum.<br>
Yfir Mýrdæling og manninn, sem mun vera [[Kopi í Görn]], sést [[Nausthamar|Nausthamarinn]], og sést greinilega, að hann er grasi vaxinn að ofan. Vestan og sunnan við Nausthamarinn sést [[Miðbúarbryggja|Miðbúðarbryggjan]], trébryggja á búkkum og staurum, sem lá á ská út í [[Lækurinn|Lækinn]].<br>
[[Mynd:Af hverju getum við ekki bara notað varadekk eins og aðrir.png|300px|thumb|Af hverju getum við ekki bara notað varadekk eins og aðrir.]]
Næst Mýrdæling er 4-róinn vorbátur (botninn bleikmálaður), sem [[Gísli Engilbertsson (eldri)|Gísli Engilbertsson]] á [[Tanginn|Tanganum]] átti og hét hann [[Elínborg, áraskip|Elínborg]]; um skeið var [[Hjalti Jónsson|Eldeyjar-Hjalti]] formaður með bátinn.<br>
Þá kemur næst við Elínborgu sexæringurinn [[Blíða]], átti [[Gísli Stefánsson (kaupmaður)|Gísli Stefánsson]] bátinn, en lengst var [[Ólafur Magnússon (Nýborg)|Ólafur Magnússon]] í Nýborg formaður með Blíðu. Ljósan bát ber yfir Blíðu og Elínborgu, er það [[Lísebet]], sem [[Jón Pétursson (Þorlaugargerði)|Jón Pétursson]] í [[Þorlaugargerði]] var lengst formaður með.<br>
Nyrzt skipanna er [[Friður, skip|Friður]] (svart skip); formenn á Frið voru lengst [[Lárus Jónsson]] hreppstjóri á [[Búastaðir|Búastöðum]], og Gísli sonur hans, sem bjó í [[Stakkagerði]].<br>
Yfir Frið ber Fúlugarðinn, sem var norðaustarn [[Fúla|Fúlu]], og var hann nokkur vörn í sjógangi.<br>
(Skýringar við myndina eru eftir höfundinn, Engilbert Gíslason málara).<br>

{{Sjómannadagsblað Vestmannaeyja}}