„Hljómskálinn“: Munur á milli breytinga

[[Mynd:Hljómskálinn1.jpg|thumb|380px|Hljómskálinn]]Húsið '''Hljómskálinn''' var byggt árið 1930 og stendur við [[Hvítingavegur|Hvítingaveg]] 10. Það var Lúðrasveit Vestmannaeyja sem réðst í þessa byggingu og þaðan er nafnið til komið. Var húsið ætlað bæði til æfinga sem og tónleikahalds. En þetta reyndist Lúðrasveitinni fjárhagslega ofviða og fáeinum árum síðar keypti Sveinbjörn Einarsson, smiður frá Þorlaugargerði, húsið og breytti því í íbúðarhús en var með smíðaverkstæði í kjallaranum þar sem hann m.a. sagði ungum mönnum til í handavinnu. Árið 1944 keypti síðan Magnús Magnússon frá Lyngbergi húsið og þar býr nú Sveinn Magnússon, sonur hans, fyrrum lögreglumaður og kennari og kona hans, Sigríður Steinsdóttir (Sissa) frá Múla. Í kjallaranum er enn þá smíðaverkstæði.