„Söluturninn“: Munur á milli breytinga

Stofnandi og eigandi Söluturnarins um í nærri tvo áratugi var [[Þorlákur Sverrisson]] kaupmaður sem bjó að [[Hof|Hofi]] ([[Landagata|Landagötu]] 25) sem nú er horfið undir hraun. Þorlákur var kvæntur Sigríði Jónsdóttur frá Skálmarbæ í Álftaveri. Þorlákur flutti með fjölskyldu sína til Vestmannaeyja árið 1925. Í fyrstu bjuggu þau á [[Stóra-Heiði|Stóru-Heiði]] en keyptu svo Hof af [[Karl Einarsson|Karli Einarssyni]]. Þorlákur átti heima á Hofi þar til hann lést árið 1943 en ekkja hans og dætur bjuggu þar til ársins 1961.

Strax við komuna til Eyja hófst Þorlákur handa við að undirbúa verslunarrekstur en nokkrum árum áður hafði hann rekið verslun í Vík í Vestur- Skaftafellssýslu. Þorlákur hóf rekstur á Söluturninum í [[Vinaminni]] sem stóð við [[Urðavegur|Urðaveg]] sem nú er farinn undir hraun. Árið 1927 flutti Söluturninn í húsnæði við [[Strandvegur|Strandveg]].

Hugmynd Þorláks var að vera sjómönnum sem komu seint að landi og aðgerðamönnum innan handar með verslunarþjónustu. Því sótti hann um leyfi til að hafa Turninn oipinn lengur fram eftir á kvöldin en almennt tíðkaðist. Mikil tregða var til að veita leyfið, en loks fékkst það í gegn með því skilyrði að Turninn væri nokkurs konar miðstöð fyrir sjómenn og aðra sem nauðsynlega þurftu að nálgast veðurfegnir á kvöldin en Ríkisútvarpið var þá ekki tekið til starfa og treysta varð á símaþjónustu eingöngu.