„Jón Sigurðsson (Ártúni)“: Munur á milli breytinga

Afi Jóns og alnafni kom til skjalanna er fjölskyldan flutti til Vesturheims og kom í veg fyrir að Jón flyttist með þeim.  Kom hann nafna sínum til dóttur sinnar Kristínar Jónsdóttur, sem síðar var kennd við Múla í Vestmannaeyjum og þá til manns hennar sem síðar varð Jónas Jónsson, ættaður úr Þingeyjarsýslu.  Ólu þau hjónin, Kristín og Jónas, Jón upp til manndómsára.  Á fyrri árum var Jón jafnan kenndur við Múla enda bar dóttir hans Kristín nafn fóstru hans.

Jón og Karolína gengu í hjónaband í nóvember 1922 en Karolína var ættuð úr Rangárþingi og voru þau hjón nokkuð skyld út frá Högna Sigurðssyni.  Hjónaband Jóns og Karolínu varaði í 57 ár.  Þau hófu sinn búskap í Laugardal hjá Eyjólfi og Nikolínu.  Árið 1926 fluttu þau í nýbyggt og vandað Steinhús að Vesturvegi 20 er Jón nefndi [[Ártún]].  Þar bjuggu þau að upphafi seinni heimsstyrjaldar er Jón byggði annað hús þeirra hjóna að [[Vestmannabraut 73]].