„Sigurgeir Jónsson (Þorlaugargerði)“: Munur á milli breytinga

Sigurgeir lauk kennaraprófi frá Kennaraskóla Íslands 1965 og kenndi við [[Barnaskóli Vestmannaeyja|Barnaskólann í Vestmannaeyjum]] og [[Gagnfræðaskóla Vestmannaeyja|Gagnfræðaskólann]] til ársins 1982 þegar hann réðst sem kennari við [[Stýrimannaskólinn í Vestmannaeyjum|Stýrimannaskólann í Vestmannaeyjum]] en sama ár lauk hann námi í II. stigi þess skóla. Áður hafði hann lokið prófi frá [[Vélskóli Vestmannaeyja|Vélskóla Vestmannaeyja]] árið 1960. Sigurgeir stundaði sjó, ýmist sem aðalstarf eða yfir sumartímann meðfram kennslu, í 30 ár. Þegar Stýrimannaskólinn sameinaðist [[Framhaldsskólinn í Vestmannaeyjum|Framhaldsskólanum]] árið 1997 var hann ráðinn sem kennari við Framhaldsskólann og deildarstjori við skipstjórnarbraut skólans þegar henni var komið á 2007.  

Sigurgeir stundaði ritstörf og blaðamennsku, m.a. á tímaritinu Vikunni, var ritstjóri [[Fylkir|Fylkis]], málgagns sjálfstæðismanna í Vestmannaeyjum, 1967-1968, blaðamaður og prófarkalesari á vikublaðinu [[Fréttir|Fréttum]] um margra ára skeið. Hann var æskulýðsfulltrúi [[Vestmannaeyjabær|Vestmannaeyja]] 1978 til 1982 og menningarfulltrúi bæjarins 2003 til 2004. Árið 2007 kom út bókin Nýjar sögur og sagnir úr Vestmannaeyjum, en þar er að finna 150 gamansögur af þekktum Eyjamönnum sem Sigurgeir hefur safnað. Sigurgeir spilaði á bassa í hljómsveitinni [[Qmen 7]] allan starfstíma sveitarinnar, frá 1976 til 1986.