„Laufás“: Munur á milli breytinga

Húsið '''Laufás''' stóð við [[Austurvegur|Austurveg]] 5 og var áður fyrr [[Vestasti-Hlaðbær]] að [[Vilborgarstaðir|Vilborgarstöðum]]. Húsið var byggt af [[Jón Ágúst Kristjánsson|Jóni Ágústi Kristjánssyni]] sem meðal annars var söngstjóri „Principal“kórsins svonefnda en það var blandaður kór sem starfaði í Vestmannaeyjum á árunum 1903 til 1905.

Árið 1905 keypti [[Þorsteinn Jónsson (Laufási)|Þorsteinn Jónsson]] húsið og flutti þangað inn ásamt konu sinni [[Elínborg Gísladóttir|Elínborgu Gísladóttur]] en lét rífa það árið 1912 og byggði nýtt hús að Laufási. Var þetta nýja hús byggt úr timbri ofan á steyptum kjallara og með rúmgóðu risi. Þorsteinn var mikill útgerðarmaður og var einn af upphafsmönnum vélbátaútgerðar í Eyjum. Hann er einnig þekktur fyrir bækur sínar tvær; ævisögu sína er nefnist Formannsævi í Eyjum og Aldahvörf í Eyjum, sem er útgerðarsaga Vestmannaeyja fram til 1930.