„Þingvellir“: Munur á milli breytinga

Húsið '''Þingvellir''' var byggt af [[Lyder Højdal]] á árunum 1905 til 1907. Það stóð í upphafi við [[Njarðarstígur|Njarðarstíg]] 1, en var síðar fært neðst í [[Heimagata|Heimagötu]] og stóð það þá á móti [[Útvegsbankinn|Útvegsbankahúsinu]], þannig að það lá norður að [[Sveinstaðastígur|Sveinsstaðastíg]].  

Húsið var nefnt '''Vísir''' þegar þar var samnefnd verslun, en þá stóð húsið á Njarðarstíg og var eingöngu ein hæð. Seinna rak [[Gísli J. Johnsen]] [[Pósthús Vestmannaeyja]] í þessu húsi , þegar hann var póstmeistari í Eyjum. Fyrsta kaupfélagið í Vestmannaeyjum, [[kaupfélagið Herjólfur]], var með aðsetur að Þingvöllum.

[[Einar Sigurðsson]] keypti Þingvelli árið 1940 og flutti hann húsið að Heimagötu. Þá lét hann steypa hæð undir Þingvelli, og voru skrifstofur [[Hraðfrystistöð Vestmannaeyja|Hraðfrystistöðvar Vestmannaeyja]] þar til ársins 1966, þegar þær voru fluttar í [[Godthåb]]. Á neðstu hæðinni voru jafnan verslanir af ýmsum toga.