„Sjómannadagsblað Vestmannaeyja 2008/80 ár liðin frá björgunarafreki Jóns í Holti“: Munur á milli breytinga

<center>'''SIGURÐUR JÓNSSON'''</center>

[[Mynd:Sigurður Jónsson Sdbl. 2008.jpg|thumb|248x248dp|Sigurður Jónsson]]

Í febrúar í ár voru liðin 80 ár frá hinu einstaka björgunarafreki [[Jón Vigfússon (Holti)|Jóns í Holti]] er hann kleif Ofanleitishamar og bjargaði þannig skipsfélögum sínum á vélbátnum Sigríði.<br>

Björgunarafrek þetta er einstakt í sögu Vestmannaeyja. Að það skyldi takast að bjarga allri áhöfninni í þeim aðstæðum sem voru við Ofanleitishamarinn þennan dag gerir atburðinn ógleymanlegan. Í sögunni mun þetta hetjuverk lifa sem sérstakt og ógleymanlegt og óskiljanlegt. Sjálfur þakkaði pabbi Guði fyrir hjálpina við að komast upp bergið.<br>

Mánudaginn 13. febrúar voru flestir bátar á sjó. Framan af degi var veður dágott en er á daginn leið, gerði vonskuveður með mikilli fannkomu og dimmviðri. Undir kvöldið var komið fárviðri. Voru bátarnir að tínast inn fram eftir kvöldi en mörgum gekk illa að ná landi, bæði vegna veðurhæðar en ekki síður vegna dimmviðris.<br>

Seint um kvöldið höfðu allir bátarnir náð landi nema einn, v.b. Sigríður VE 240.<br>

[[Mynd:Fjölskylda Jóns í Holti Sdbl. 2008.jpg|miðja|thumb|Fjölskylda Jóns í Holti. F.v.: Sigurður Jónsson, Jón Vigfússon, Guðbjörg Sigurðardóttir og Vigfús Jónsson.|500x500dp]]

'''Sigríður strandar.'''<br>

Það var ákveðið að halda sig við ljósið á togaranum, hafa það í augsýn en Eiður, skipstjóri, Jónsson fór fram í, allir fóru fram í nema sá sem tók vaktina og ég var niðri í mótorhúsi.Við vorum 5 á. Eftir stutta stund hrekk ég upp við það að bátinn tekur hastarlega niðri. Ég þaut upp og bakkaði. Þá slóst skrúfan í grjót og stoppaði. Þarna veltumst við á skerinu og þá hugsaði maður með sjálfum sér, man ég, á maður að deyja svona ungur? Ég man að ég bað Guð að styrkja mig að taka þessu með ró og svo losnaði báturinn í því af skerinu og velktist um og við sáum ekkert út fyrir myrkrið. Við höfðum ekkert rafljós en ljóskastari var um borð, slíkir voru þá komnir í nokkra báta. Mér datt í hug að ná í hann og setja hann upp. Það gerðum við og lýstum. Þá sáum við einungis þverhnípt bjargið fram undan og ekkert annað. Það var ekki hægt að ímynda sér nokkra möguleika aðra en þetta væri búið.“<br>

Aðeins á einum stað komu skipverjar auga á litla syllu í berginu og gerðu sér það ljóst að þeirra lífsvon væri undir því komin að þar bæri bátinn upp. Það gafst ekki mikill tími til að ræða málin hvað réttast væri að gera . Allt í einu tók brotsjór bátinn og kastaði honum að berginu og kom hann að því þar sem syllan var. Pabbi spurði strákana um borð hvort þeir ætluðu ekki að reyna að komast í land. „Það er ekki hægt,“ sögðu þeir. Á sinn rólega og yfirvegaða hátt sagði pabbi að þeir yrðu að gera   

tilraun til þess. Hann klæðir sig úr leðurstígvélunum og stekkur í land. Honum tókst að ná fótfestu. Það hljóta að hafa verið erfið augnablik þegar hann sér að hann er einn á syllunni og Sigríður komin frá berginu. Hann hugsaði hvort félagar hans myndu ekki eiga afturkvæmt og hann hugsaði einnig hvaða möguleika hann ætti þarna einn á syllunni. Báturinn hélt áfram að velkjast í briminu í nokkrar mínútur en ber síðan aftur upp að berginu. Svo útrúlega vill til að Sigríður kemur upp að berginu á nákvæmlega sama stað og áður. Nú stökkva bátsfélagarnir fjórir í land og mátti ekki tæpara standa því báturinn lendir á skeri í útsoginu og mölbrotnaði.<br>

Þótt allir skipverjar hefðu komist á sylluna hugsuðu þeir að möguleikarnir væm ekki miklir á að þeim yrði bjargað. Það sem þeir vonuðu, var að með birtingu gætu þeir gert togaranum viðvart. Þeir vissu ekki nákvæmlega hvar þeir voru staddir né heldur hvort unnt væri að klífa bjargið þegar dags- birtunnar nyti við.<br>

Uppi yfir þeim reis þverhníptur bjargveggurinn með snjó og svell á hverjum stalli og slútandi framhengju fremst.<br>

Togarinn var skammt undan og lá hann alveg uppi undir brimgarðinum. Skipsverjar reyndu að vekja athygli á sér með því að kveikja í nokkru af

'''Jón í Holti.'''<br>

„Jón er grannvaxinn, léttur og lipur og leynir trúlega á meiri kröftum en útlit hans gefur til kynna. Hann er hægur í dagfari svo að ókunnugum virðist hann fáskiptinn en því veldur aðeins yfirlætisleysi hans og prúðmennska því að við nánari kynni reynist hann skapléttur og gamansamur, svo sem ættingjar hans margir.“<br>

''Í frásögninni er stuðst við skrif i Þrautgóðum á raunastund eftir Steinar J.Lúðvíksson, Viðtal sem Árni Johnsen tók, Menn í sjávarháska eftir Svein Sœmundsson og grein sem Árni úr Eyjum skrifaði í Blik. Einnig er byggt á þvi sem pabbi sagði mér og Ástu konu minni''.<br>

{{Sjómannadagsblað Vestmannaeyja}}