„Sjómannadagsblað Vestmannaeyja 2009/Norræna gulldepla, nýr nytjafiskur“: Munur á milli breytinga

[[Mynd:Ómar Steinsson og Guðmundur Huginn Sdbl. 2009.jpg|miðja|thumb|Ómar Steinsson og Guðmundur Huginn Guðmundsson, skipstjórnendur á Hugin VE.]]

Það var því í kjölfarið ákveðið að láta rannsaka fiskinn með það í huga hvort hægt væri að nýta hann í bræðslu. Auk þess þurfti að breyta veiðarfærum til þess að geta veitt þennan smáa fisk.<br>

Það var svo í desember sem Huginn VE hélt í sína fyrstu gulldepluveiðiferð. Ekki varð mikill árangur af veiðiferðinni sem slíkri en þrátt fyrir að ekki hafi mikið fiskast þá öfluðu menn sér mikillar reynslu. Þeir slógu undir loðnupokanum í þetta skiptið en möskvarnir í honum reyndust vera of stórir fyrir þennan smáa fisk sem gulldeplan er. Það var því eytt tíma í að þróa veiðarfærin betur og eftir jól og áramót var farið af stað á ný. Nú fór að fiskast betur enda menn komnir með sérútbúna poka fyrir veiðarnar.<br>

Í stuttu máli sagt þá fór alltaf að ganga betur og betur að veiða gulldepluna og tóku aðrar útgerðir að renna hýru auga til veiðanna enda engar loðnuveiðar hafnar og ekki gott útlitið í þeim efnum. Þegar mest var þá stunduðu þessar veiðar flest íslensk uppsjávarveiðiskip en fljótlega um mánaðamótin janúar-febrúar fór að draga úr veiðunum. Megninu af aflanum var landað hér í Eyjum og stoppaði það vissulega í það gat sem loönuleysið hafði myndað. Heildarafli gulldeplu var tæp 39.000 tonn og var Huginn VE aflahæstur yfir landið með um 6.400 tonn. Alls var landað tæpum 19.000 tonnum af gulldeplu hér í Eyjum.<br>