„Vestmannaeyjaflugvöllur“: Munur á milli breytinga

[[Mynd:Flug.jpg|thumb|300px|thumb|TF-KAK]]Fyrsta flugvélin lenti á flugbrautinni þann 14. ágúst 1946. Flugbrautin var þá 250 m löng. Flugmenn vory Hjalti Tómasson og Halldór Bech og flugu þeir á tveggja sæta flugvélinni Piper Cub J-3 TF-KAK. Tóku þeir í fyrsta sinn póst frá Eyjum loftleiðis. Daglegt áætlunarflug hófst skömmu síðar, 12. október, á vegum Loftleiða. Loftleiðir voru leiðandi í flugvallarmálunum og þeirra menn áttu drjúgan þátt í allri framkvæmd byggingar hans. Vígsla flugvallarins var 13. nóvember 1946.

Tvö óhöpp áttu sér stað á þessum haustmánuðum. Voru það bæði lendingaróhöpp og átti fyrra atvikið sér stað þann 25. september 1946. Alla lýsingu vantaði á völlinn og því þurfti [[Magnús Thorberg]] póstmeistari að lýsa brautina upp með bíl sínum eftir að dimma hafði tekið. Ekki fór það betur en að flugvélin, TF-RVC vél Loftleiða, klessti á bílinn og var flugvélin ónothæf eftir atvikið. Engin slys urðu á fólki og því má þakka að farþegi í bílnum fór út úr bílnum til þess að hrekja burt hest sem virtist ætla að hlaupa inn á brautina. Seinna atvikið átti sér stað í farþegaflugi frá Öræfum. Kom flugvélin, TF-TUK, til þess að taka eldsneyti en flugmanni tókst ekki að stöðva vélina sökum sterks meðvinds og fór vélin út af brautinni. Brotnuðu bæði aðalhjólin undan vélinni og skrúfan eyðilagðist. Engan sakaði.