Blik 1947/Spaug.

Efnisyfirlit 1947

Spaug

fært úr stíl í stílinn.

Eitt af innyflum mannsins er samvizkan. Hún er mórauð í flestum.

                             ———————

Í Vestmannaeyjum eru til húsdýr, sem heita kanínur, sem hvorki mjólka né verpa eggjum. Þær eru ferfætt dýr með stór eyru og skott á rassinum.
Í Reykjavík ganga kanínurnar á tveim fótum. Þær hafa engin eyru en hafa loðin skott á baki og brjósti og eru notaðar handa hermönnum.

                             ———————

Aðalsmenn stunda aðallega kontóristastörf og annað þ.u.l.

                             ———————

Frúin (við gesti sína): Gerið svo vel að drekka vatn með matnum. Það er svo hollt að skola innan á sér lungun.

                             ———————

Skyrið er strokkað úr rjómanum og þá verður sýran eftir.

                             ———————

Aðalmunur á manni og þorski er sá, að maðurinn er klofinn í mjórri endann en það er þorskurinn ekki.