Valgeir Ólafsson (Snæfelli)
Valgeir Ólafsson frá Drangastekk í Vopnafirði, sjómaður, matsveinn, verkamaður fæddist þar 30. september 1916 og lést 9. janúar 1991.
Foreldrar hans voru Ólafur Oddsson útvegsbóndi, síðar verkamaður í Eyjum, f. 16. ágúst 1871 á Ragnheiðarstöðum í Flóa, d. 1. mars 1957, og kona hans Oddný Runólfsdóttir húsfreyja, f. 2. mars 1876 í Böðvarsdal í Vopnafirði, d. 27. júní 1947.
Börn Ólafs og Oddnýjar í Eyjum:
1. Ólafur Ólafsson skipstjóri á hafnarbátunum Brimli og Létti, f. 5. desember 1900 á Drangastekk í Vopnafirði, d. 8. ágúst 1978.
2. Jónína Ólafsdóttir húsfreyja, ljósmóðir, f. 14. júní 1903 á Drangastekk í Vopnafirði, d. 25. júlí 1971.
3. Runólfur Ólafsson sjómaður, bólstrunarmeistari, húsvörður á Akranesi, f. 24. október 1904, d. 14. febrúar 1991.
4. Þórður Ólafsson sjómaður, vélstjóri, verkamaður, f. 24. maí 1906 á Drangastekk í Vopnafirði, d. 18. maí 1975.
5. Ásgerður Theodóra Ólafsdóttir, f. 29. september 1910 á Drangastekk í Vopnafirði, d. 23. desember 1988.
6. Ólöf Oddný Ólafsdóttir húsfreyja, f. 29. september 1914 á Drangastekk í Vopnafirði, d. 16. janúar 1986.
7. Valgeir Ólafsson sjómaður, verkamaður, f. 30. september 1916 á Drangastekk í Vopnafirði, d. 9. janúar 1991.
Valgeir var með foreldrum sínum í æsku, flutti með þeim frá Norðfirði til Eyja 1926, bjó hjá þeim á Snæfelli við Hvítingaveg.
Hann var sjómaður, matsveinn um skeið, síðan verkamaður.
Þau Stefanía giftu sig, bjuggu á Hvanneyri við Vestmannabraut 60, á Lágafelli við Vestmannabraut 10, fluttu til Hafnarfjarðar, bjuggu þar við Álfaskeið 64. Þau skildu, barnlaus.
I. Kona Valgeirs, skildu, var Stefanía Pétursdóttir frá Eskifirði, húsfreyja, f. 29. mars 1926, d. 6. maí 2004.
Heimildir
- Samantekt: Víglundur Þór Þorsteinsson.
- Íslendingabók.
- Manntöl.
- Morgunblaðið 17. maí 2004. Minning Stefaníu.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.