Sverrir Haraldsson

Úr Heimaslóð, Sögusetri Vestmannaeyja
Útgáfa frá 8. ágúst 2012 kl. 12:32 eftir Daniel (spjall | framlög) Útgáfa frá 8. ágúst 2012 kl. 12:32 eftir Daniel (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit

Click here for Sverrir Haraldsson in English


Sverrir

Sverrir Haraldsson listmálari frá Svalbarði fæddist 18. mars 1930 í Vestmannaeyjum og lést 22. febrúar 1985. Foreldrar hans voru Haraldur Bjarnason og Anna Kristjánsdóttir. Foreldrar hans fluttu til Reykjavíkur en Sverrir varð eftir hjá ömmu sinni og afa, Önnu Tómasdóttur og Bjarna Jónssyni.

Sextán ára fór Sverrir til Reykjavíkur og stundaði nám í Myndlista- og handíðaskólanum á árunum 1946 til 1949. Hann dvaldi við nám í París í Frakklandi frá 1952 til 1953 og síðar í Þýskalandi við nám í Hochschule fűr bildende Kűnste í Berlín á árabilinu 1957 til 1960. Sverrir hélt sína fyrstu einkasýningu 1952 og var síðan talinn meðal fremstu listmálara þjóðarinnar. Hann var einn af brautryðjendum í formbyltingu meðal listamanna hér heima. Auk listmálunar stundaði Sverrir útskurð í tré og fékkst við myndlistarkennslu.

Fyrri eiginkona Sverris var Sigrún Gunnlaugsdóttir. Þau eignuðust dótturina Önnu árið 1951.

Seinni eiginkona Sverris var Steinunn Marteinsdottir listakona. Þau eignuðust soninn Harald, bæjarstjóri í Mosfellsbæ. Þau voru gift í 25 ár en skildu. Þau keyptu bóndabæinn Hulduhóla í Mosfellsbæ. Þar útbjuggu þau listastofur og íbúðarhús ásamt því að hafa búskap. Húsið og umhverfi þess var sjónrænt ævintýri. Garðurinn var hans stærsta listaverk en hann vonaðist þó eftir að það yrði ekki hans besta verk.

Sambýliskona Sverris var Guðrún Sverrisdóttir.

Myndir

Sjá nánar


Heimildir