Svava Hafsteinsdóttir

Úr Heimaslóð, Sögusetri Vestmannaeyja
Fara í flakk Fara í leit
Svava Hafsteinsdóttir.

Svava Hafsteinsdóttir húsfreyja, leikskólakennari, sérkennsluráðgjafi fæddist 26. ágúst 1953 í Eyjum.
Foreldrar hennar voru Hafsteinn Ágústsson frá Varmahlíð við Vesturveg 18, húsasmíðameistari, f. 1. nóvember 1929, d. 21. apríl 2016, og fyrri kona hans Hrefna Guðbjörg Oddgeirsdóttir frá Stafnesi við Heiðarveg 31, húsfreyja, bókavörður, f. 1. ágúst 1931, d. 16. nóvember 2016.

Börn Hrefnu og Hafsteins:
1. Sara Hafsteinsdóttir húsfreyja, sjúkraþjálfari, f. 4. júní 1952 í Stafnesi. Maður hennar Þórólfur Guðnason.
2. Svava Hafsteinsdóttir húsfreyja, sérkennari við leikskóla, f. 26. ágúst 1953 í Stafnesi. Maður hennar Ólafur H. Sigurjónsson.
Barn Hrefnu og Eysteins Þorvaldssonar:
3. Oddgeir Eysteinsson, f. 24. febrúar 1960 í Stafnesi. Sambýliskona Aðalbjörg Dísa Guðjónsdóttir.

Svava var með foreldrum sínum, en þau skildu, er hún var á barnsaldri.
Hún lauk prófum í leikskólaskor Kennaraháskóla Íslands 1999.
Svava vann á leikskólum Vestmannaeyjabæjar frá 1976, var leikskólakennari á Kirkjugerði frá 1999. Hún var ráðin sérkennsluráðgjafi á skólaskrifstofu Bæjarins 2017.
Þau Ólafur giftu sig 1975, eignuðust tvö börn. Þau bjuggu við Áshamar 61 og við Hólagötu 34.
Ólafur lést 2021.

I. Maður Svövu, (13. október 1975), var Ólafur Hreinn Sigurjónsson skólameistari, f. 30. maí 1950, d. 25. nóvember 2021.
Börn þeirra:
1. Anna Ólafsdóttir sjúkraþjálfari, f. 28. október 1971 í Eyjum. Maður hennar Haraldur Hannesson.
2. Andri Ólafsson, f. 18. desember 1982 í Eyjum. Barnsmóðir Charlotte Kosini. Kona hans Tinna Schram.


Heimildir

  • Samantekt: Víglundur Þór Þorsteinsson.
  • Íslendingabók.
  • Leikskólakennaratal. Ritstjórar Ívar Gissurarson og Steingrímur Steinþórsson. Mál og mynd 2000.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.