Steinþór Albertsson (Ásum)

Úr Heimaslóð, Sögusetri Vestmannaeyja
Útgáfa frá 7. janúar 2023 kl. 15:47 eftir Viglundur (spjall | framlög) Útgáfa frá 7. janúar 2023 kl. 15:47 eftir Viglundur (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit
Steinþór Albertsson.

Steinþór Albertsson frá Kumlavík á Langanesi, bóndi í Viðvík, N.-Múl., verkamaður í Eyjum, og í Reykjavík, fæddist 18. janúar 1885 og lést 13. apríl 1955.
Foreldrar hans voru Albert Jón Finnsson bóndi, f. 21. október 1849, d. 7. mars 1906, og kona hans Guðrún Soffía Eymundsdóttir húsfreyja, f. 7. nóvember 1852, d. 17. ágúst 1919.

Börn Soffíu og Jóns í Eyjum:
1. Margrét Albertsdóttir húsfreyja, f. 8. október 1878, d. 24. ágúst 1955.
2. Steinþór Albertsson, verkamaður, f. 18. janúar 1885, d. 13. apríl 1955.
3. Þorbjörg Albertsdóttir vinnukona í Stakkahlíð 1910, síðar húsfreyja í Höfnum á Reykjanesi, f. 9. október 1890, d. 14. ágúst 1968.
Systir Guðrúnar Soffíu var
1. Kristjana Ágústa Eymundsdóttir húsfreyja á Hól, kona sr. Jes A. Gíslasonar og
2. Jónína Sigurlín Eymundsdóttir, sem var á Hól 1910.

Steinþór var með foreldrum sínum, á Eiði á Langanesi 1890, á Miðfjarðarnesi við Bakkaflóa, N.-Múl. 1901, húsmaður í Viðvík á Digranesi í N.-Múl. 1910. Þar var þá bústýra hans móðir hans Soffía Eymundsdóttir, þá ekkja. Þar bjuggu þá systir hans Margrét Albertsdóttir og Einar Friðsteinn Jóhannesson með börnum sínum Þórunni og Albert Steinþóri.
Steinþór eignaðist barn með Ragnheiði í Eyjum 1913, en þar var hún vinnukona á Löndum. Þau voru húsfólk í Viðvík 1917, bændur á Auðunarstöðum á Digranesi 1918, komu til Eyja frá Bakkafirði 1919, bjuggu að Ofanleiti 1920, á Gjábakka 1923, á Ásum 1929.
Þau fluttu til Reykjavíkur 1930, bjuggu á Laugavegi 157 á því ári, bjuggu síðast í Sörlaskjóli 48.
Steinþór lést 1955 og Ragnheiður 1980.

I. Kona Steinþórs var Ragnheiður Árnadóttir húsfreyja, f. 23. nóvember 1892, d. 1. júlí 1980.
Börn þeirra:
1. Berta Soffía Steinþórsdóttir, f. 7. mars 1913 í Eyjum, d. 14. júní 2002.
2. Jóhann Ólafur Júlíus Steinþórsson húsgagnasmíðameistari í Kópavogi, f. 24. júlí 1916 í Viðvík, N.-Múl., d. 14. september 1957. Kona hans Jórunn Helga Ámundadóttir.
3. Ragnar Vilberg Steinþórsson, f. 3. nóvember 1918 í Viðvík í N.-Múl., d. 22. október 1940.
4. Árný Hulda Steinþórsdóttir, f. 11. júní 1923 á Gjábakka, d. 18. mars 2005.
5. Gréta Þorbjörg Steinþórsdóttir, f. 24. september 1924 á Syðri-Gjábakka, d. 21. desember 2011.
6. Hilmar Steinþórsson, f. 27. febrúar 1929 á Ásum, d. 8. desember 2014.


Heimildir

  • Samantekt: Víglundur Þór Þorsteinsson.
  • Borgfirzkar æviskrár. Margir höfundar. Sögufélag Borgarfjarðar 1969-2007.
  • Íslendingabók.
  • Manntöl.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.