Stefán Guðmundsson (Brekastíg 37)

Úr Heimaslóð, Sögusetri Vestmannaeyja
Útgáfa frá 19. maí 2023 kl. 14:51 eftir Viglundur (spjall | framlög) Útgáfa frá 19. maí 2023 kl. 14:51 eftir Viglundur (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit

Stefán Ágúst Guðmundsson frá Vorsabæjarhjáleigu í Flóa, verkamaður fæddist þar 1. ágúst 1919 og lést 22. júní 2000.
Foreldrar hans voru Guðmundur Ívarsson bóndi, f. 20. febrúar 1878, d. 17. desember 1925, og Guðrún Elísabet Magnúsdóttir húsfreyja, f. 5. september 1877, d. 14. desember 1935.

Börn Guðrúnar og Guðmundar í Eyjum:
1. Lovísa Guðrún Guðmundsdóttir húsfreyja, f. 30. september 1910, d. 29. maí 2000.
2. Stefán Ágúst Guðmundsson verkamaður, f. 1. ágúst 1919, d. 22. júní 2000.

Stefán var með foreldrum sínum, en faðir hans lést, er Stefán var á sjöunda árinu. Hann var með móður sinni þar næstu árin, en hún lést er hann var á sautjánda árinu. Hann var hjá Guðmundi bónda bróður sínum þar 1940.
Þau Elísabet giftu sig 1947, eignuðust 5 börn og Stefán varð kjörfaðir Jóhanns barns hennar. Þau bjuggu í Framnesi við Vesturveg 3B við fæðingu Guðmundar 1946, á Skjaldbreið við Urðaveg 36 við fæðingu Sigurðar 1949, í Akurey við Vestmannabraut 46a við fæðingu Guðmars og Elíasar 1952 og 1953, við Brekastíg 37 1963 við fæðingu Katrínar og síðast við Sólhlíð 19a.
Stefán lést á árinu 2000 og Sigríður 2016.

I. Kona Stefáns, (26. maí 1947), var Sigríður Elísabet Jóhannsdóttir Weihe frá Færeyjum, f. 9. janúar 1921, d. 1. apríl 2016.
Barn Sigríðar og kjörbarn Stefáns:
1. Johan Edvin Weihe Stefánsson, f. 26. maí 1945 í Vorsabæjarhjáleigu. Fyrrum kona hans Gunnhildur Elsa Hrólfsdóttir. Fyrrum sambúðarkona hans Steinunn Eggertsdóttir. Fyrrum sambúðarkona hans Hjördís Guðmundsdóttir.
Börn Sigríðar og Stefáns:
2. Guðmundur Weihe Stefánsson, f. 3. desember 1946 í Framnesi. Kona hans Ellý Elíasdóttir.
3. Sigurður Weihe Stefánsson, f. 13. maí 1949 á Skjaldbreið. Kona hans Ásta Traustadóttir.
4. Guðmar Weihe Stefánsson, f. 8. október 1952 í Akurey. Fyrri kona hans Erna Margrét Laugdal Ottósdóttir. Kona hans Ragnhildur Ragnarsdóttir.
5. Elías Weihe Stefánsson, f. 19. desember 1953 í Akurey. Kona hans Hjördís Guðbjartsdóttir.
6. Katrín Stefánsdóttir, f. 28. júní 1963 á Sjúkrahúsinu. Maður hennar Steingrímur Svavarsson.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.