Sigurður Björnsson (bátasmiður)

Úr Heimaslóð, Sögusetri Vestmannaeyja
Útgáfa frá 19. apríl 2022 kl. 17:02 eftir Viglundur (spjall | framlög) Útgáfa frá 19. apríl 2022 kl. 17:02 eftir Viglundur (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit

Sigurður Björnsson fæddist 29. maí 1886 og lést 9. júní 1928. Foreldrar hans voru Björn og Vilborg Eiríksdóttir.

Eiginkona hans var Sigríður Árnadóttir. Þau bjuggu í Merkisteini. Börn þeirra voru StefaníaJón Ísak og Árni.

Sigurður var bátasmiður.



Heimildir

Frekari umfjöllun

Sigurður Björnsson skipasmiður fæddist 29. maí 1886 og lést 9. júní 1928.
Faðir hans var Björn frá Ormsvelli í Hvolhreppi, síðar í Vorhúsum í Reykjavík og í Móabæ á Útskálum, f. 5. júní 1851, d. 8. júní 1914, Sigurðsson bónda á Ormsvelli í Hvolhreppi 1855, f. 17. október 1822, d. 6. september 1888, Jónssonar bónda í Litla-Gerði, á Efra-Hvoli og Miðkrika þar, f. 15. apríl 1796 í Miðkrika, d. 15. september 1873, Einarssonar, og konu Jóns Einarssonar, Guðrúnar húsfreyju Sigurðardóttur.
Móðir Björns Sigurðssonar og kona Sigurðar á Ormsvelli var Þórdís húsfreyja á Ormsvelli í Hvolhreppi, f. 5. febrúar 1829, d. eftir 1880, Jónsdóttir bónda á Kanastöðum og síðar í Ey í Landeyjum, f. 6. ágúst í Vestri-Garðsauka í Hvolhreppi, d. 5. október 1843 í Ey, Jónssonar, og barnsmóður Jóns á Kanastöðum, Oddnýjar Björnsdóttur, f. 1791, d. 22. október 1859.

Móðir Sigurðar og kona Björns var Vilborg húsfreyja í Móabæ 1910; tökubarn í Árbæ í Ölfusi 1860, léttastúlka þar 1870, hjú á Eystri-Þurá í Ölfusi 1890, hjú í Vorhúsum í Rvk. 1901, f. 9. maí 1852 í Hjallasókn í Ölfusi, d. 30. janúar 1913, Eiríksdóttir bónda á Ytri-Þurá í Ölfusi 1860, f. 8. mars 1821, d. 18. ágúst 1872, Torfasonar bónda á Efri-Brúnavöllum á Skeiðum 1835, f. 25. febrúar 1794, 19. október 1881, Jónssonar og konu Torfa, Vilborgar Þóroddsdóttur húsfreyju, f. 16. október 1796, d. 28. september 1858.
Móðir Vilborgar í Móabæ og kona Eiríks á Ytri-Þurá var Guðrún húsfreyja, f. 30. júní 1820, d. eftir 1874, Þorbjörnsdóttir bónda á Yxnalæk í Ölfusi 1835, f. 3. júní 1793 á Bíldsfelli í Grafningi, d. 18. apríl 1860, Jónssonar, og konu Þorbjörns, Katrínar húsfreyju, f. 21. nóvember 1795, d. 4. júní 1846, Björnsdóttur.

Sigurður var niðursetningur hjá Ástríði Pétursdóttur og Jóni Einarssyni í Káragerði í V-landeyjum 1890, 15 ára vinnumaður hjá Sigurði Ísleifssyni og Guðrúnu Jónsdóttur 1901.
Hann fluttist til Eyja með Sigurði og Guðrúnu 1903, var í Landlyst við giftingu þeirra Sigríðar 1908.
Þau eignuðust Stefaníu Ástrósu 1909 og voru þá leigjendur á Hlíðarenda, bjuggu í Merkisteini við fæðingu Jóns Ísaks 1911 og -1914, í Ásbyrgi 1915 og enn við fæðingu Árna 1918, á Rauðafelli 1919 og 1920 með þrem börnum sínum, í Óskarsbúð 1922, í Pálshúsi 1923, á Rauðafelli 1924 og 1925.
Sigurður lést 1928, en Sigríður 1972.

Kona Sigurðar, (19. nóvember 1908), var Sigríður Árnadóttir húsfreyja, f. 10. apríl 1886 í Sauðhúsnesi i Álftaveri í V-Skaft., d. 19. september 1972.
Börn þeirra voru:
1. Stefanía Ástrós Sigurðardóttir húsfreyja í Reykjavík, f. 8. september 1909 á Hlíðarenda, d. 22. september 1986.
2. Jón Ísak Sigurðsson hafnsögumaður, bæjarfulltrúi, heiðursborgari, f. 7. nóvember 1911 í Merkisteini, d. 28. júní 2000.
3. Árni Guðmundur Vilhjálmur Sigurðsson sýningarstjóri í Keflavík, f. 9. apríl 1918 í Ásbyrgi, d. 19. mars 2001.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.