View source for Sólveig Soffía Jesdóttir

[[Mynd:Solveig Soffia Jesdottir.jpg|thumb|200px|''Sólveig Soffía Jesdóttir.]]
'''Sólveig Soffía Jesdóttir''' húsfreyja og hjúkrunarfræðingur á [[Steinsstaðir|Steinsstöðum]] fæddist 12. október 1897 að Eyvindarhólum u. Eyjafjöllum og lést 6. febrúar 1984 í Reykjavík.<br>
Foreldrar hennar voru séra [[Jes A. Gíslason]], f. 28. maí 1872, d. 7. febrúar 1961 og kona hans [[Ágústa Eymundsdóttir]] húsfreyja, f. 9. ágúst 1873, d. 13. maí 1939.<br>

Fjölskylda Sólveigar fluttist til Eyja 1907 frá Norður-Hvammi í Mýrdal. Faðir hennar hafði gegnt prestsþjónustu að Eyvindarhólum u. Eyjafjöllum 1896-1904, en í Norður-Hvammi í Mýrdal 1904-1907.<br>
Solveig réðst að sjúkrahúsinu hjá Jónasi Kristjánssyni lækni á Sauðárkróki 15 ára gömul og vann þar ýmis störf. Mun þessi dvöl hafa verið henni hvetjandi til hjúkrunarnáms.<br>
Árið 1920 hélt hún til Kaupmannahafnar til náms í sjúkraleikfimi, nuddi og fótsnyrtingu og lauk prófi þar 1922.<br>
Hún kom til starfa í Eyjum 1924.<br>
Fór nú að hilla undir byggingu sjúkrahúss bæjarfélagsins. Þá hélt Sólveig til Noregs til náms og starfa við Ullevold-sjúkrahúsið í Osló.<br>
Hún kom heim 1927 og hóf hjúkrunarstörf.<br>
Þar sem hún var eini lærði hjúkrunarfræðingurinn í bænum, hvíldi á henni að móta hjúkrun þar til ársins 1929.<br>
Fjölskyldan fluttist til Reykjavíkur 1950.<br>
Sólveig átti við heilsuleysi að stríða síðustu árin og lést á hjúkrunardeild Elliheimilsins Grundar.<br> 
Að lokum eru orð mágs hennar [[Þorsteinn Einarsson (kennari)|Þorsteins Einarssonar]] í minningargrein:<br>
„ Með Sólveigu látinni er fallin frá ein þessara yfirlætislausu kvenna sem á erfiðum stundum samborgarans færa með sér líkn, huggun og örvun en gleyma sjálfri sér, svo að oft líður heilsa, veiklun sem kemur fram með hækkandi
aldri og hrörnun.“<br>
Sólveig giftist [[Haraldur Eiríksson|Haraldi Eiríkssyni]] raffræðingi 1929.   
Hann var fæddur 21. júní 1896 og lést 7. apríl 1986.<br>

Börn Haraldar og Sólveigar:<br>
1. [[Hörður Haraldsson (Steinsstöðum)|Hörður Haraldsson]] viðskiptafræðingur og málari, kennari við Háskólann á Bifröst, margfaldur meistari í spretthlaupum,  f. 11. september 1929, d. 5. október 2010.<br> 
2. [[Eiríkur Haraldsson (Steinsstöðum)|Eiríkur Haraldsson]] íþróttafræðingur, magister í þýsku, menntaskólakennari og frömuður við skíðasvæðið í Kerlingarfjöllum, f. 12. mars 1931.<br>
3. [[Ágúst Pétur Haraldsson (Steinsstöðum)|Ágúst ''Pétur '' Haraldsson]] véltæknifræðingur, f. 13. október 1935.<br>
{{Heimildir|
*Samantekt: [[Víglundur Þór Þorsteinsson]].
*Morgunblaðið 14. febrúar 1984. Minning. [[Þorsteinn Einarsson (kennari)|Þorsteinn Einarsson]].
*Vestur-Skaftfellingar 1703-1966. Björn Magnússon. Leiftur 1970-1973.
*Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
*Manntöl.
*Íslendingabók.is.}}{{Æviskrár Víglundar Þórs}}
[[Flokkur: Húsfreyjur]]
[[Flokkur: Hjúkrunarfræðingar]]
[[Flokkur: Fólk fætt á 19. öld]]
[[Flokkur: Fólk dáið á 20. öld]]
[[Flokkur: Íbúar á Hól]]
[[Flokkur: Íbúar við Miðstræti]]
[[Flokkur: Íbúar á Steinsstöðum]]
[[Flokkur: Íbúar við Vestmannabraut]]