Ragnar Halldórsson

From Heimaslóð
Revision as of 16:55, 16 August 2012 by Daniel (talk | contribs)
(diff) ← Older revision | Latest revision (diff) | Newer revision → (diff)
Jump to navigation Jump to search
Ragnar er í aftari röð til hægri.
Ragnar er í fremri röð til vinstri.

Ragnar Halldórsson fæddist 9. ágúst 1912 og lést 19. febrúar 2004, 91 árs gamall. Hann var sonur hjónanna Halldórs Hávarðarsonar organleikara og söngstjóra í Bolungavík og Halldóru Halldórsdóttur. Hann lauk námi í búfræði frá Hólaskóla 18 ára að aldri og nam síðan mjólkurfræði í Reykjavík og Danmörku í 7 ár.

Ragnar var tollvörður og félagsmaður í Taflfélagi Vestmannaeyja upp úr seinna stríði og tefldi m.a. með sveit félagsins á móti sveit Reykjavíkur 1945. Hann fluttist síðar til Reykjavíkur og varð m.a. kunnur af því að semja skákdæmi, sem birtust bæði í blöðum hér og tímaritum erlendis.

Ragnar Halldórsson tók tvívegis við ritstjórn Víðis, 1942 og 1946. Hann lét af ritstjórn blaðsins er hann flutti héðan alfarinn vorið 1947.

Á fastalandinu var Ragnar yfirtollvörður á flugvellinum í Keflavík.


Heimildir

  • Tímaritið Skák, V Alþjóðamótið í Vestmannaeyjum, júní 1985.
  • Víðir, 17. nóvember 1948.