Magnús Magnússon (Felli)

Úr Heimaslóð, Sögusetri Vestmannaeyja
Útgáfa frá 14. desember 2015 kl. 19:50 eftir Viglundur (spjall | framlög) Útgáfa frá 14. desember 2015 kl. 19:50 eftir Viglundur (spjall | framlög) (Verndaði „Magnús Magnússon (Felli)“ (‎[edit=sysop] (ótiltekinn)))
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit

Sjá aðgreiningarsíðuna fyrir aðra sem hafa borið nafnið „Magnús Magnússon


Magnús Magnússon á Felli var fæddur 8.júlí 1873 og lést 25.september 1940. Kona Magnúsar var Guðrún Þórðardóttir. Þau eignuðust tvær dætur, Guðbjörgu, f. 11.08.1901 d. 5.5.1982 og Anna Sigríður Magnúsdóttir, f. 12.02.1908 og dána 11.08.1923.
Sonur þeirra var Þórður Magnússon, f. 21. febrúar 1904 í Nýborg, d. 26. september 1921.

Magnús kom til Vestmannaeyja um aldamótin 1900 og var formaður þar með opið skip í nokkur ár en 1907 keypti hann Kristbjörgu og var formaður á henni allt til 1926. Magnús var talinn í fremstu röð formanna. Einnig var hann bjargveiðimaður mikill.


Heimildir

  • Jón Sigurðsson. Þegar slysið varð á mb. Portlandi. Sjómannablað Vestmannaeyja. 1963.
  • Sjómannablaðið Víkingur. Farmanna- og Fiskimannasamband Íslands.

frekari umfjöllun

Magnús Magnússon útgerðarmaður og formaður á Felli fæddist 5. júlí 1874 á Selalæk á Rangárvöllum og lést 25. september 1940.
Foreldrar hans voru Magnús Símonarson, síðar í Meiðastaðagerði í Garði, f. 3. janúar 1845, d. 3. febrúar 1874, og barnsmóðir hans Sigurborg Sigurðardóttir, síðar húsfreyja á Felli, f. 10. júní 1846 á Ljótarstöðum í Skaftártungu, d. 13. október 1933.

Magnús fylgdi móður sinni í æsku, var með henni og Einari Híerónýmussyni stjúpföður sínum í Ásólfsskála u. Eyjafjöllum 1880 og í Lambhúshólskoti þar 1890.
Þau Guðrún fluttust bæði til Eyja 1900 ásamt Einari stjúpföður Magnúsar, en Sigurborg móðir Magnúsar hafði flust þangað 1898.
Guðrún og hann voru hjú í Garðhúsum 1901 með Guðbjörgu nýfædda.
Þau Guðrún reistu Fell og bjuggu þar 1906.
Magnús gerðist formaður og útgerðarmaður, var formaður Haffrú 1906, en það var 8-róið áraskip og þetta var síðasta vertíð áraskipa. Hann eignaðist vélbátinn Kristbjörgu 1907 og var formaður á henni til 1926, en þá eignaðist hann ásamt fleiri v.b. Kristbjörgu II. Formaður á henni var Grímur Gíslason tengdasonur hans, sem var með hana 1926-1952.
Þau Guðrún eignuðust tvær dætur, Guðbjörgu 1901 og Önnu Sigurbjörgu 1908.

Kona Magnúsar, (20. febrúar 1904), var Guðrún Þórðardóttir húsfreyja á Felli, f. 30. september 1873 í Gerðakoti undir Eyjafjöllum, d. 27. janúar 1948.
Börn þeirra voru:
1. Guðbjörg Magnúsdóttir húsfreyja á Haukabergi, f. 11. ágúst 1901 í Garðhúsum, d. 5. maí 1982.
2. Þórður Magnússon, f. 21. febrúar 1904 í Nýborg, d. 26. maí 1904.
3. Anna Sigurbjörg Magnúsdóttir, f. 14. febrúar 1908 á Felli, d. 11. ágúst 1923.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.