Jón Jónsson Austmann

Úr Heimaslóð, Sögusetri Vestmannaeyja
Útgáfa frá 1. ágúst 2007 kl. 11:36 eftir Daniel (spjall | framlög) Útgáfa frá 1. ágúst 2007 kl. 11:36 eftir Daniel (spjall | framlög)
Fara í flakk Fara í leit

Sjá aðgreiningarsíðuna fyrir aðra sem hafa borið nafnið „Jón Jónsson


Jón Jónsson Austmann var prestur að Ofanleiti í Vestmannaeyjum frá árinu 1827 til ársins 1858. Hann var sonur séra Jóns Jónssonar prests að Kálfafelli og Guðnýjar Jónsdóttir. Hann fæddist á Lyngum í Skaftafellssýslu 13. maí 1782 og lést árið 1858. Sonur Jóns var Stefán Austmann. Dóttir Jóns var Guðfinna Jónsdóttir Austmann.

Nám og störf

Jón útskrifaðist úr Reykjavíkurskóla árið 1809. Hann varð aðstoðarprestur að Sólheimum í Mýrdal og fékk síðan Skúmsstaða- og Stórólfshvolsþing. Jón hafði brauðaskipti við séra Sigurð Thorarensen prest að Mýrum í Álftaveri og fluttist þangað í fardögum 1817. Hann fékk veitingu fyrir Ofanleitisprestakall árið 1827 og hélt því til æviloka 1858. Hann var því prestur í Vestmannaeyjum í alls 31 ár. Kona séra Jóns var Þórdís Magnúsdóttir. Þau áttu saman níu börn og eru nokkrir afkomendur þeirra enn búsettir í Vestmannaeyjum.


Heimildir

  • Guðlaugur Gíslason. Eyjar gegnum aldirnar. Reykjavík: Örn og Örlygur 1982.
  • Þorkell Jóhannesson. Örnefni í Vestmannaeyjum. Reykjavík: Hið íslenzka þjóðvinafélag, 1938.