Guðlaug Árnadóttir (Löndum)

Úr Heimaslóð, Sögusetri Vestmannaeyja
Útgáfa frá 13. ágúst 2015 kl. 16:55 eftir Viglundur (spjall | framlög) Útgáfa frá 13. ágúst 2015 kl. 16:55 eftir Viglundur (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit

Guðlaug Árnadóttir vinnukona fæddist 14. janúar 1824 á Fagurhól í A-Landeyjum og lést 12. nóvember 1893.
Foreldrar hennar voru Árni Hafliðason, þá vinnumaður, síðar sjómaður í Ömpuhjalli, skírður 5. ágúst 1795, d. 26. júlí 1847, og kona hans Guðný Erasmusdóttir, þá vinnukona á Fagurhól, síðar húsfreyja, f. 6. september 1794, d. 14. júní 1888 í Vesturheimi.

Guðlaug var systir
1. Helgu Árnadóttur húsfreyju á Löndum, f. 6. júlí 1833, d. 15. febrúar 1907 í Vesturheimi.
2. Guðnýjar Árnadóttur húsfreyju í Ömpuhjalli, f. 27. desember 1834, d. 7. desember 1915 í Vesturheimi.

Guðlaug var 10 ára tökubarn í Fagurhól í A-Landeyjum 1835 og við fermingu 1837, 16 ára vinnukona í Litlu-Hildisey þar 1840.
Hún var komin til Eyja 1845 og var þá vinnukona í Draumbæ, í Sorgenfri 1846-1847.
Guðlaug fór til lands 1848, kom aftur 1854 og nú að Löndum þar sem hún var vinnukona næstu árin hjá Helgu systur sinni. Hún eignaðist Ólaf 1872, en þá var hún vinnukona hjá Guðnýju systur sinni í Ömpuhjalli.
1873 og 1874 var hún vinnukona hjá Helgu, 1875 vinnukona í Helgahjalli.
Hún var niðursetningur í Fagurlyst 1876, í Svaðkoti 1877, vinnukona í Frydendal 1878, í París 1880 og 1881.
Guðlaug var sveitarómagi í Norðurgarði 1890 og lést 1893 í Draumbæ, niðursetningur.
Guðlaug var ógift.

I. Barnsfaðir hennar var Erlendur Ingjaldsson kvæntur sjávarbóndi á Kirkjubæ.
Barnið var
1. Ólafur Erlendsson, f. 9. október 1872, d. 3. nóvember 1872 „úr uppdráttarveiki“.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.